Bugun,

  • USD 10940.05
  • RUB 182.26
  • EUR 11121.65

2019/2020-o‘quv yilida AQShdagi o‘zbekistonlik talabalar soni 546 nafarni tashkil etdi (o‘tgan yilga nisbatan 4,4 foizga kam — 571). Ushbu ma’lumotlar OpenDoors ta’lim sohasida xalqaro almashinuv to‘g‘risidagi hisobotda keltirilgan. U AQSh Davlat departamentining Ta’lim va madaniyat ishlari byurosi va Xalqaro ta’lim instituti (IIE) tomonidan nashr etilgan, deb xabar beradi “Gazeta.uz”.

Foto: Saidaziz A’zamov / “Daryo”

Foto: Saidaziz A’zamov / “Daryo”

2020-yilgi OpenDoors hisobotiga ko‘ra, Qo‘shma Shtatlardagi o‘zbekistonlik talabalarning umumiy soni 546 nafarni tashkil etadi, ularning 50,5 foizi bakalavriat darajasida, 31,5 foizi magistratura bosqichida, 11,5 foizi ixtiyoriy amaliy mashg‘ulotlarda va 6,4 foizi ingliz tili yoki qisqa muddatli o‘qish kabi dasturlarda qatnashmoqda. Bu O‘zbekistondagi talabalar orasida Amerika ta’limiga bo‘lgan qiziqishning ortib borayotganligini ko‘rsatadi. “Amerika oliy o‘quv yurtlari ham o‘zbekistonlik talabalarni jalb qilishga qiziqishni kuchaytirmoqda”, — deyiladi xabarda.

AQSh 2019/2020-o‘quv yilida 1 milliondan ziyod xalqaro talaba (1 075 496) qabul qilgan, bu ko‘rsatkich ketma-ket beshinchi yil davomida qayd etildi. 2019/2020-o‘quv yilida Qo‘shma Shtatlardagi chet ellik talabalar soni bir oz pasayishiga (1,8 foiz) qaramay, ushbu guruh hali ham AQSh oliy o‘quv yurtlari talabalarining 5,5 foizini tashkil qiladi. AQSh Savdo vazirligi ma’lumotlariga ko‘ra, xalqaro talabalar 2019-yilda AQSh iqtisodiyotiga 44 milliard dollar hissa qo‘shgan.

Pandemiyaga qadar AQSh xorijlik talabalar uchun eng asosiy yo‘nalishlardan biri bo‘lgan. Yangi xorijlik talabalarning qabul qilinishi barqarorlashgan (-0,6 foiz) va o‘tgan ikki yilda kuzatilgan 7 foizli pasayishga qaraganda sezilarli darajada yaxshilangan.

AQShdagi barcha xorijlik talabalarning 53 foizi Xitoy va Hindiston hisobiga to‘g‘ri keladi (mos ravishda 34,6 va 18 foiz). Talabalar eng ko‘p keladigan davlatlar o‘nligidan Janubiy Koreya (4,6 foiz), Saudiya Arabistoni (2,9 foiz), Kanada, Vyetnam, Tayvan, Yaponiya, Braziliya va Meksika (2,4 foizdan 1,3 foizgacha) o‘rin olgan.

Hisobotga ko‘ra, 2018/2019-yillarda qariyb 347,1 ming amerikalik xorij OTMlarida tahsil olgan. Bu bir yil oldingi ko‘rsatkichdan (341,7 ming) yuqori.

OpenDoors — bu AQSh oliy o‘quv yurtlarida tahsil olayotgan xalqaro talabalar va chet elda o‘zlarining AQShdagi kollejlari yoki universitetlari uchun akademik kreditlarni olish uchun tahsil olayotgan amerikalik talabalar to‘g‘risidagi keng qamrovli ma’lumot manbai.

Eslatib o‘tamiz, 2014-yilda AQSh OTMlarida 463 nafar o‘zbekistonlik talaba tahsil olgan bo‘lsa, 2015-yilda 491 kishiga, 2018-yilda esa 570 kishiga yetgandi.

Izoh
Asosiy yangiliklar
Mahalliy
O‘zbekistonda ishbilarmonlik faoliyati qanday o‘zgardi?
Sport
Krishtianu Ronalduning muvaffaqiyatsiz seriyasi davom etadi. Hujumchi 2022/23-yilgi mavsumda faqat bitta gol urdi
Mahalliy
O‘zbekistonda dollarning rasmiy kursi yana tushdi