Қорақалпоғистоннинг Беруний туманида тунда содир бўлган йўл-транспорт ҳодисаси оқибатида бир киши ҳаётдан кўз юмди. Бу ҳақда Қорақалпоғистон ИИВ ЙҲХБ ахборот хизмати хабар қилган.
Хабарда қайд этилишича, 2020 йил 8 ноябрь куни Nexia-3 ҳайдовчиси бошқарувни йўқотиб, Cobalt’нинг йўлига чиқиб кетган ва ЙТҲ содир этган. Ҳодиса оқибатида Nexia-3 йўлга ёнбошлаб қолган, машина ичидаги йўловчи оғир тан жароҳати олиб, воқеа жойида вафот этган.
Беруний тумани ИИБ ЙҲХБ бошлиғи Дилшод Йўлдошевнинг айтишича, ҳодисанинг содир бўлишига 2-тоифали автомобиль йўлининг қатнов қисми таъмирталаб эканлиги, ёритиш ускуналарига эга эмаслиги, ётиқ чизиқлар ўчиб кетгани ҳам сабаб бўлган.
Беруний туман автомобиль йўлларидан фойдаланиш унитар корхонаси раҳбари Азамат Хўжаев 2-тоифали трассанинг қурилганига 50 йил бўлгани, кўчада ҳар йили жорий таъмир ишлари олиб борилиши, бироқ капитал таъмир ишлари амалга оширилмаганлиги, ётиқ чизиқлар чизилганидан кейин олти ой вақт ўтгани ва улар ўчиб кетганини тан олган. У йўлни ёритиш ва текислаш бўйича чора-тадбирлар амалга оширилишини билдирган.
Мавзуга доир:
- Қорақалпоғистонда маст ҳайдовчи Nexia’да икки болани уриб юборди. Болалар воқеа жойида вафот этди
- Жаслиқда содир бўлган ЙТҲ оқибатида Volvo ва ДАФ юк машиналари ёниб кетди, бир ҳайдовчи вафот этди
- Қорақалпоғистонда туман ИИБ бошлиғи хизмат машинасида пиёдани уриб юбориши оқибатида 23 ёшли йигит ҳалок бўлди
Изоҳ (0)