Angliyadaning Chetnem shahrida istiqomat qiluvchi ayol o‘zining bog‘idan ikki boshli yomg‘ir chuvalchangini topib olib, unga ikki xil ism qo‘ydi, deb xabar beradi The Mirror.
8-noyabr kuni 56 yoshli Sherri Foks o‘zining bog‘idan ikki boshli chuvalchang topib olgan. Ayol ularga 1990-yillar Buyuk Britayanida mashhurlikka erishgan komediyali serialning qahramonlari — Kevin va Perri ismini qo‘ygan.
Foks Kevin va Perrini gul tuvagiga ko‘chirgan.
“Turmush o‘rtog‘im bilan yovvoyi tabiat ishqibozimiz. Chumolilar o‘z tuxumlarini qanday yig‘ayotganini va ularni gazonimizdagi teshiklarga tashiyotganini videoga olib, uzoq vaqt kuzatamiz. Yer asalarilari ham ko‘plab teshiklarni kovlaydi. Bog‘imizda igna yostiqchasidagidan ham ko‘p teshik bo‘lsa kerak”, — deydi Foks.
U chuvalchanglar videosi hozirgidek noaniqlik davrda odamlarga biroz bo‘lsa-da hayrat va sehr ulashadi degan umidda. “U tuvak tagidan yerga sudralib ketmagan degan umiddaman. Uni yana bir bor ko‘rsam, xursand bo‘lardim”, — deydi ayol.
Olimlarning ma’lumotlariga ko‘ra, chuvalchanglar boshi ikkiga bo‘linib ketsa, ularning har biri alohida o‘sib chiqishi mumkin.
Avvalroq avstraliyalik erkak tutib olgan ilon ikki boshli ilonni dunyoga keltirgani to‘g‘risida xabar berilgandi.
Izoh (0)