Bugun,

  • USD 11095.31
  • RUB 173.84
  • EUR 10772.44

Energetika vaziri o‘rinbosari, kuz-qish mavsumiga tayyorgarlik shtabi raisi o‘rinbosari Akmal Eshonqulov Qashqadaryo viloyatining Dehqonobod tumanida bo‘lib, aholining kuz-qish mavsumiga tayyorgarlik jarayonlari bilan tanishgan va mas’ullarga mavsumda avvalo aholining tabiiy gazga bo‘lgan ehtiyojini qondirish lozimligini aytgan. Bu haqda “Daryo” muxbiri xabar berdi.

Akmal Eshonqulov.

Akmal Eshonqulov.
Foto: “Daryo”

Xalq deputatlari Dehqonobod tuman kengashining navbatdagi sessiyasida so‘z olgan vazir o‘rinbosari qishda tabiiy gaz birinchi navbatda aholiga yetkazib berilishi kerakligini ta’kidlagan. “Vazirlar Mahkamasining maxsus qarorida shu haqda belgilab qo‘yilgan. Aholida gaz bosimi pasayib ketdimi, demak, biz ulgurji iste’molchilarni uzishimiz kerak. Ularni gaz tarmog‘idan o‘chirib, aholiga yo‘naltirishimiz lozim bo‘ladi. Shu masalalarga judayam e’tiborli bo‘lishimiz lozim”, — degan u.

Foto: “Daryo”

Vazir o‘rinbosari, shuningdek, ulgurji gaz iste’molchilari qachon gaz tarmog‘idan uzilishi mumkinligiga ham to‘xtalib o‘tgan.

“Biz ishlab chiqaruvchilarni yoki boshqa ish o‘rni yaratgan korxonalarni tushunamiz, albatta. Biroq ularda muqobil yoqilg‘i turi bo‘lishi kerak. Biz uchun eng muhimi — millatimiz sog‘lig‘i”, — dedi vazir o‘rinbosari Akmal Eshonqulov.

Dehqonobod tuman hokimi Zoir Aliqulovning ma’lumot berishicha, tuman aholisining qish mavsumini ko‘ngildagidek o‘tkazishi uchun tabiiy gaz yetib bormagan hududlarga 1200 tonna ko‘mir yetkazib berish boshlangan.

Foto: “Daryo”

“Dastlabki 80 tonna ko‘mir shaxsan vazir o‘rinbosari Akmal Eshonqulov tashabbusi va hokimlik hamkorligida aholiga yetkazib berildi. Sifatli ko‘mirning tonnasi 300 ming 300 so‘mdan sotildi. Endilikda tumanda ham ko‘mir shoxobchasi tashkil etilib, qishga qadar yana 1120 tonna ko‘mir olib kelinadi va aholiga tarqatiladi”, — dedi Zoir Aliqulov.

Foto: “Daryo”

Qo‘shimcha qilinishicha, shu kuni tumanning tabiiy gaz yetib bormagan hududlariga suyultirilgan gaz ballonlar ham yetkazib berilgan.

Eslatib o‘tamiz, avvalroq Andijonda gaz-zapravkalar soat 16:00 gacha ishlash rejimiga o‘tkazilayotgani, sabab sifatida viloyatga yetkazilayotgan gaz bosimi pasaygani aytilgandi.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi