Qoraqalpog‘iston Respublikasi Qonliko‘l tumani IIB tomonidan ayol kishini erga tegishga majbur qilish holati bo‘yicha jinoyat ishi qo‘zg‘atildi. Bu haqda Tergov departamenti xabar berdi.
Ma’lumotlariga ko‘ra, 13-oktabr kuni soat 20:00 larda 30 yoshli D.Y. ikki nafar tanishi bilan oldindan jinoiy til biriktirib, 24 yoshli G.S. ismli qizni uyiga qaytayotganiga uni majburlab, Nexia-2 mashinaga mindirib, olib kelgan.
Ta’kidlanishicha, ular qizni D.Y. bilan nikoh qurishi uchun o‘g‘irlagan.
Holat yuzasidan G.S. tuman IIB boshlig‘iga ariza bilan murojaat qilgan. Hodisa joyiga tezkor tergov guruhi xodimlari chiqib ko‘zdan kechirgan va boshqa tergovga qadar tekshiruv harakatlarini o‘tkazgan. D.Y.ning nomida bo‘lgan Nexia-2 rusumli avtomashina daliliy ashyo tariqasida olinib, tegishli tartibda muhrlangan.
Mazkur holat yuzasidan Qonliko‘l tumani IIB huzuridagi tergov guruhi tomonidan Jinoyat kodeksining 136-moddasi 1-qismi (ayolni erga tegishga majbur qilish yoki uning erga tegishiga to‘sqinlik qilish) bilan jinoyat ishi qo‘zg‘atilgan.
Hozirda tergov harakatlari olib bormoqda.
Izoh (0)