Xudoyberdiyev Qilichbek Rahmonovich Kattaqo‘rg‘on tumani hokimi vazifasini vaqtincha bajaruvchi etib tayinlandi. Bu haqida tuman hokimligi axborot xizmati “Daryo”ga ma’lum qildi.
“Mahalliy davlat hokimiyati to‘g‘risida”gi O‘zbekiston Respublikasi qonunining 21-moddasiga hamda Samarqand viloyati hokimining 2020-yil 29-oktabrdagi 153-FK-sonli farmoyishiga asosan 2020-yil 29-oktabrdan Kattaqo‘rg‘on tumani hokimi vazifasini vaqtinchalik bajarish tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Xudoyberdiyev Qilichbek Rahmonovich zimmasiga yuklatilgan.
Eslatib o‘tamiz, Kattaqo‘rg‘on tumani hokimi A’zamxon Bahromov 19-oktabr kuni 60 yoshida vafot etgandi.
Izoh (0)