Amerikalik Den Budri ismli erkak ilonni yutib yuborgan baliqni tutib oldi. Hech qanday zararsiz bo‘lib chiqqan suvilon baliqchi va Facebook’dagi Tennessi shtati Yovvoyi tabiat departamenti guruhi foydalanuvchilarini qo‘rqitib yuborgan, deb yozadi “Korrespondent.net”.

Foto: Facebook

Budri ijtimoiy tarmoqdagi guruhga olabug‘aning suratini jo‘natib, o‘z izohini qoldirgan.

“Suratga tushirishimdan oldin ilon menga qarab turgandi. Bu menga qiziqarli tuyuldi, keyin esa o‘ylanib qoldim. Tez yordam shifokoriga ‘baliqni og‘ziga qo‘limni tiqqanimda ilon chaqib oldi’, deb qanday tushuntirib berardim”, — deya yozadi amerikalik.

Departament vakillari bu 2020-yilning navbatdagi nayrangi ekanligini aytib hazillashgan.

“Baliqning og‘ziga qo‘l tiqayotganingizda ehtiyot bo‘ling! U yerda nima bo‘lishi mumkinligini hech qachon bilmaysiz”, — deydi xodimlar.

Post ostiga qoldirilgan izohlarga ko‘ra,baliq og‘zidagi jonяot — Shimoliy Amerikada uchraydigan xavfsiz suvilon, biroq uni hech kim bu holatda uchratishni istamagan bo‘lardi.