Aston Martin Works saytida 19,3 ming kilometr yo‘l bosgan noyob Cygnet siti-kar sotuvga qo‘yilgani to‘g‘risida e’lon paydo bo‘ldi. Hozirda ishlab chiqarilmaydigan model 36,7 ming funt sterlingga baholangan, deb xabar beradi Motor.

Foto: Aston Martin Works

Aston Martin o‘zining eng kichkina modeli — Cygnet’ni 2013-yilda ishlab chiqarishdan to‘xtatgan va hozirga qadar noyob mashina ba’zi-ba’zida minilgan avtomobillar sotiladigan saytlarda paydo bo‘lib qoladi. Siti-kar uch yil davomida ishlab chiqarilgan bo‘lib, uning narxi 30 ming funt atrofida bo‘lgan — Toyota iQ’dan uch barobar qimmat.

Foto: Aston Martin Works

Cygnet IQ’dan kuzovining old qismini an’anaviy Aston Martin modellariniki kabi jihozlanishi, radiator panjarasi va V12 Vantage uslubidagi ventilyatsion qirqimlari bilan ajralib turadi. U 98 ot kuchiga ega 1,3 litrli benzin motori bilan jihozlangan.

Foto: Aston Martin Works

Bir necha yilgina davom etgan ishlab chiqarish davomida butun dunyo bo‘ylab 300 nusxa Cygnet sotilgan — bu rejalashtirilgan ko‘rsatkichdan 80 foizga yomonroq bo‘lib chiqqan. Endilikda siti-karlardan biri dastlabki narxidan ham qimmatroq qiymatda sotuvga qo‘yildi.

Foto: Aston Martin Works

Foto: Aston Martin Works

Foto: Aston Martin Works

Foto: Aston Martin Works

Foto: Aston Martin Works

2018-yilda Aston Martin Cygnet’ning V shakliga o‘xshash “sakkizlik” dvigateliga ega alohida versiyasini taqdim etgandi. 436 ot kuchi va 490 Nm aylanuvchi momentga ega 4,7 litrli dvigatel soatiga 100 kilometrga 4,2 soniyaga erisha olgan. Maksimal tezligi esa 274 km/soat.