Zinedin Zidan: “Hech qanday bahona yo‘q, “Kadis”ga qarshi o‘yinni yomon boshladik”

“Real” bosh murabbiyi Zinedin Zidan Ispaniya chempionatining 6-turidan o‘rin olgan “Kadis”ga qarshi kechgan o‘yin (0:1) haqida fikr bildirdi.

Agar biz birinchi bo‘limda 2-3 ta gol o‘tkazib yuborganimizda ham hech narsa sodir bo‘lmas edi. O‘yinimiz uchun hech qanday bahona yoki tushuntirish yo‘q, bo‘lgan voqeadan qoniqmayapmiz, albatta, ammo bu futbolda sodir bo‘lib turadi. Biz o‘yinni yomon boshladik.

Boshidanoq qiyin bo‘ldi, 2-bo‘limda “Real” futbolchilari biroz yaxshiroq o‘ynadi. Biz o‘yinga kirisha olmadik va “Kadis” futbolchilari bizga yuklagan kurashga o‘tdik, xolos. Vaziyatlarni yaratish sizning o‘yinni qanday boshlashingizga bog‘liq, biz haqiqatan ham faqat kurashdik. Bugun futbolchilar va “Real” uchun ko‘ngilsiz vaqt, biz buni keyingi o‘yinda to‘g‘rilashga harakat qilamiz, lekin avval o‘zimizni tiklab, dam olishimiz kerak.

Ramosning jarohati? Umid qilamanki, Serxioning muammosi shunchaki mayda narsa.

Zinedin Zidan, “Real” bosh murabbiyi

“Kadis” 10 ochko jamg‘argan holda Ispaniya chempionatida 2-o‘ringa ko‘tarilib oldi. “Real” esa (10) 1-o‘rinda bormoqda.