Shavkat Mirziyoyev 16-oktabr kuni Davlat xavfsizlik xizmati akademiyasi va Temurbeklar maktabining qurilish jarayonini ko‘zdan kechirdi, deb xabar bermoqda Prezident matbuot xizmati.
Qayd etilishicha, maktab uchun o‘quv korpusi, yotoqxona, oshxona barpo etilmoqda, akademiyaning mavjud binolari rekonstruksiya qilinmoqda. Majmuada, shuningdek, jismoniy-harbiy mashg‘ulotlar maydoni, stadion, avtodrom, plas va boshqa obyektlar bo‘ladi.
Temurbeklar maktabi tarix fani va xorijiy tillarga ixtisoslashgan bo‘lib, unda 200 nafar yosh ta’lim oladi.
Shu yerda mazkur ta’lim maskaniga bolalarni saralash va o‘qitish tizimi haqida ma’lumot berildi. Davlat rahbari yosh avlodni vatanparvarlik ruhida tarbiyalash, o‘quvchilarga yurtimiz tarixi va o‘zbek tilini chuqur o‘rgatish, darslarga har bir fan bo‘yicha yetakchi pedagoglarni jalb etish muhimligini ta’kidladi.
Eslatib o‘tamiz, Prezident Shavkat Mirziyoyev 16-oktabr kuni Toshkent shahridagi bunyodkorlik ishlari bilan tanishdi. Birinchi obyekt Mirzo Ulug‘bek tumanidagi Geologiya fanlari universiteti bo‘ldi. Dasturiy mahsulotlar va axborot texnologiyalari texnologik parkini ham ko‘zdan kechirdi, Yunusobod tumanida barpo etilayotgan Toshkent Arxitektura-qurilish institutining yangi binosini borib ko‘rdi.
Izoh (0)