O‘zbekiston Respublikasi Prezidenti Shavkat Mirziyoyevning joriy yil 13-oktabr kuni Sirdaryo viloyatiga tashrifi davomida Sardoba, Mirzaobod hamda Oqoltin tumanlari faollari bilan uchrashuvida yurtdoshlarimizni sog‘lom turmush tarziga o‘rgatish, ularni jismoniy tarbiya va sportga faol jalb etish, to‘g‘ri ovqatlanish, aholi, shu jumladan yoshi katta fuqarolarda ortiqcha vazn paydo bo‘lishi natijasida qand kasalligi, shuningdek, turli yuqumli bo‘lgan kasalliklarning kelib chiqishining oldini olish maqsadida aholi orasida sog‘lomlashtiruvchi jismoniy mashqlar, yurish, yugurish, badantarbiya mashg‘ulotlarini keng ommalashtirish hamda ularga jismoniy tarbiya va sport bilan shug‘ullanishi uchun qulay sharoitlar yaratishga alohida e’tibor qaratdilar.
Shuningdek, har bir mahalla kesimida fuqarolarni arterial qon bosimi, tomir urishi, bo‘yi hamda vazni haqida ma’lumotlar bazasini yaratish, har chorakda fuqarolarning salomatligini monitoring qilib borish va pandemiyani jismoniy tarbiya va sport bilan yengish bo‘yicha Oqoltin tumani namunasini respublikamizga keng joriy etish ham ta’kidlab o‘tildi.
Mazkur topshiriq ijrosini ta’minlash maqsadida Jismoniy tarbiya va sport vazirligi hamda Sog‘liqni saqlash vazirligi hamkorlikda Oqoltin tumanidagi “Yangi Toshkent” mahallasida tashabbuskor hamda fidoyi trenerlar va hamshiralar ishtirokida har bir fuqaroning arterial qon bosimi, bo‘yi, vazni, qorin qismi hajmlari o‘lchanib, ma’lumotlar bazasi shakllantirildi. Qolaversa, fuqarolarning sport turlariga bo‘lgan qiziqishlari ham o‘rganildi.
Oqoltin tumanidagi “Yangi Toshkent” mahallasida jami 7 ta ko‘cha (Sergeli, Mirzo Ulug‘bek, Uchtepa, Amir Temur, Yunusobod, Chilonzor, Bektemir, Yakkasaroy) mavjud bo‘lib, aholining umumiy soni 1 115 nafarni (shundan 578 nafari ayollar), xonadonlar soni 131 tani tashkil etadi.
Tashabbuskor trener hamda hamshiralar uyma-uy yurib, jami 687 nafar fuqaroning arterial qon bosimi, bo‘yi, vazni, qorin qismi hajmlarini o‘lchab chiqishdi.
Shuningdek, o‘tkazilgan so‘rov natijasida aholining 164 nafari futbol, 76 nafari voleybol, 43 nafari basketbol, 96 nafari badminton, 82 nafari “Workout”, 56 nafari stol tennisi, 34 nafari badiiy gimnastika, 69 nafari boks, 29 nafari kurash va 38 nafari boshqa sport turlariga qiziqishi aniqlandi.
Tadbir davomida ommaviy badantarbiya va yurish tadbirlari tashkil etilib, unga jami 378 nafar ishtirokchi jalb etildi.
Jismoniy tarbiya va sport vazirligimatbuot xizmati
Reklama huquqi asosida
Izoh (0)