“Real”ning hujumkor yarim himoyachisi Eden Azar yana jarohat oldi. Bu haqda madridliklar rasmiy saytida ma’lum qilindi.

Foto: Twitter

Belgiyalik futbolchi o‘ng oyog‘i mushaklarini shikastlab olgan. Klub shifokorlari o‘yinchini tiklashda davom etadi.

Marca’ning xabar qilishicha, Azar 3-4 hafta maydonga tusha olmaydi. Shu tariqa Eden Belgiya terma jamoasining Millatlar Ligasidagi o‘yinlarini o‘tkazib yuboradi.

Azar 2019/20-yilgi mavsumda “Real” safida La Ligada 16 o‘yin o‘tkazib, bita gol va oltita golli uzatmaga mualliflik qildi. U mavsum davomida uch bor jarohat oldi va ularning ikkitasi jiddiy jarohat edi.

Azar 2020/21-yilgi mavsumda hali o‘yin o‘tkazmagandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!