“Real” bosh murabbiyi Zinedin Zidan Vinisius Junior va Rodrigo Goes nega kam o‘yin amaliyotiga ega bo‘layotgani haqidagi savolga javob berdi.
Bu kabi savollar kulgimni qistatadi, xolos. Bu — “Real”.Ma’lumot uchun, Vinisius La Liganing 2019/20-yilgi mavsumida 29 o‘yinida maydonga tushdi. Ushbu mavsumda esa u “Real Sosyedad”ga qarshi uchrashuvda to‘liq harakat qildi, ammo “Betis”ga qarshi o‘yinda maydonga tushirilmadi.O‘z fikringizni baham ko‘rish har doim oson, ammo men ushbu futbolchilar bilan har kuni ishlayman. Vinisius o‘yinlarning 34 foizini o‘ynasa, boshqa bir o‘yinchi uchrashuvlarning 32 foizida, boshqasi esa 31 foizida qatnashadi.
Bu klubning haqiqati. Har doim ko‘p va kam o‘ynaydigan futbolchilar bo‘ladi. Men g‘alaba qozonmoqchiman. Bunga tashqaridagilar (matbuot va ijtimoiy tarmoqlar) yordam bermaydi.
Ular hali bolakay, ikkalasi hali 21 yoshga ham to‘lgani yo‘q. Bu siz o‘ynash yoki o‘ynamasligingizdan qat’i nazar, futbolning haqiqatidir.
Har bir uchrashuv oldidan 11 nafar o‘yinchini tanlashingiz kerak, undan keyin esa bu haqda o‘ylashingiz shart emas. Men klubdan ketgunimga qadar shunday qilishda davom etaman. Shunday ekan, xohlagan ishimni qilaman. Bilmadim, savolingizga yetarlicha aniq javob bera oldimmi yoki yo‘q.
Zinedin Zidan, “Real” bosh murabbiyi
Rodrigo esa o‘tgan mavsumda 19 ta o‘yin o‘tkazdi. U ham Vinisius kabi yangi mavsumda “Real Sosyedad”ga qarshi o‘yinda maydonga tushdi, biroq “Betis”ga qarshi bahsda qatnashmadi.
Izoh (0)