“Andijon” bosh murabbiyi Viktor Kumikov o‘z lavozimini tark etdi.
Andijonliklar matbuot xizmatining ma’lum qilishicha, “Andijon”ning yangi rahbari va rossiyalik mutaxassis o‘rtasida uchrashuv bo‘lib o‘tgan. Unda tomonlar shartnomani ikki tomonlama bekor qilish qaroriga kelgan.
Bu “Andijon” uchun 2020-yilgi mavsumdagi ikkinchi iste’fo bo‘ldi. Avvalroq jamoa 3-turdan keyin Aleksandr Xomyakov bilan xayrlashgandi.
“Burgutlar” 13-turga kelib 6-ochko to‘plagan holda so‘nggi o‘rinda bormoqda.
Eslatib o‘tamiz, “Andijon” moliyaviy qiyinchiliklar sabab 13-tur doirasida “Paxtakor”ga qarshi kechadigan o‘yinga yetib kelolmasligi aytilgan, keyinchalik esa Andijon shahri klubi pul topgan va PFL qat’iy ogohlantirish evaziga jamoani ”Paxtakor”ga qarshi o‘yinni o‘tkazishiga ruxsat bergandi.
Keyinroq klubda rahbariyat o‘zgardi. Unga ko‘ra, “Makro Farm Andijon” korxonasi ta’sischisi Jur’atbek Quvvatov klub rahbariga aylangandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)