Futbol bo‘yicha Rossiya Premyer Ligasining 4-turida “Rostov” 23-avgust, yakshanba kuni “Ufa” maydonida mehmon bo‘ldi.
Uchrashuv teng kurashlar ostida boshlandi. 39-daqiqada Vyacheslav Krotovning chetlatilishidan keyin maydon egalari bir o‘yinchi kam bo‘lib qoldi.
Ikkinchi bo‘limda ustunlik rostovliklar tomonida bo‘ldi, biroq mehmonlar 79-daqiqaga kelib hisobni ochishga muvaffaq bo‘ldi. Qanotdan uzatilgan to‘pni “Rostov”ning yaponiyalik legioneri Kento Hashimoto boshi bilan darvozaga joylab qo‘ydi.
O‘zbekistonlik hujumchi Eldor Shomurodov mazkur bahsda 90 daqiqa harakat qildi va joriy mavsumdagi golsiz seriyasini davom ettirdi.
“Rostov” ochkolarini 7 taga yetkazib olgan holda 6-o‘ringa ko‘tarildi. “Ufa” (4) 11-pog‘onaga tushib ketdi.
RPL
4-tur bahsi
23-avgust, yakshanba
“Ufa” — “Rostov” 0:1
Gol: 0:1 – 79 Hashimoto.“Ufa”: Belenov, Alikin, Suxov, Nikitin, Danchenko (Bezdenejnix, 75), Golubev (Till, 46), Karp (Bizyak, 84), Aliyev, Nedelcharu, Jamaletdinov (Agalarov, 65), Krotov.
“Rostov”: Baburin, Hajikadunich, Osipenko, Kozlov, Glebov, Hashimoto, Normann (Mamayev, 64), Zaynutdinov (Chernov, 84), Ionov (Poloz, 64), Bayramyan, Shomurodov (Toshevski, 90).
Ogohlantirishlar: Karp (77), Agalarov (78), Bayramyan (82), Chernov (90).
Chetlatish: Krotov (39).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)