Bugun,

  • USD 10940.05
  • RUB 182.26
  • EUR 11121.65

O‘zbekistonda 2017-yilda 11 yillik ta’lim tizimiga o‘tilishi qizlar orasida erta tug‘ruq holatlari kamayishiga sabab bo‘lgan, deb xabar beradi Xalq ta’limi vazirligi.

Foto: “Daryo”

Foto: “Daryo”

O‘zbekistonda voyaga yetmagan qizlar o‘rtasidagi erta tug‘ruq holatlari tahlil qilinganda, 2017-yildan boshlab 11 yillik umumta’lim tizimiga o‘tilishi bilan erta tug‘ruq holatlarining soni pasayishi kuzatilgan. Misol uchun, 2016–2017-yillar davomida 15-17 yoshdagi qizlar o‘rtasida jami 429 tug‘ruq holati qayd etilgan bo‘lsa, 2018–2019-yillar davomida ushbu ko‘rsatkich 34 foizga kamayib, 284 tani tashkil qilgan.

Buni umumta’lim maktablarida tahsil olayotgan qizlar soni nisbatiga taqqoslaganda ham ko‘rish mumkin:

  • 2017-yilda Xalq ta’limi tizimida tahsil olayotgan har 12 995 nafar qizga 1 ta tug‘ruq (umumiy qizlar soniga nisbatan 0,0076%);
  • 2018-yilda tizimda tahsil olayotgan har 15 169 nafar qizga 1 ta tug‘ruq (umumiy qizlar soniga nisbatan 0,0066%);
  • 2019-yilda tizimda tahsil olayotgan har 23 666 nafar qizga 1 ta tug‘ruq to‘g‘ri kelgan (umumiy qizlar soniga nisbatan 0,0042%).
Vazirlikning ta’kidlashicha, 11 yillik ta’lim tizimining qaytgani mazkur muammoning mamlakat miqyosidagi asosiy yechimi sifatida baholash mumkin, sababi maktabni tark etgan o‘quvchi kollej yoki litseyga borganda o‘zining axloqini bemalol, ijtimoiy nazoratsiz transformatsiya qilishi (o‘zgartirishi), o‘smir muayyan submadaniyatga osongina immitatsiya (taqlid) qilishi mumkin bo‘lgan va bu jarayonda uni yangi ijtimoiy guruh shundayligicha qabul qilgan.

Bugungi kunda xalq ta’limi tizimida manfaatdor vazirlik va tashkilotlar bilan birgalikda voyaga yetmaganlar orasida erta tug‘ruq holatlarini oldini olish maqsadida “Mustahkam oila”, “Ahil oila”, “Hayotga qo‘shil”, “Ijobiy fikrlashni o‘qitish” kabi targ‘ibot ishlari olib borilayotgani ma’lum qilingan.

Avvalroq vazirlik 11 yillik ta’lim tizimi o‘quvchilar o‘rtasidagi jinoyatchilikni 2,5 barobarga kamaytirgani haqida ma‘lum qilgan edi.

Izoh
Asosiy yangiliklar
Mahalliy
Putinparast raqqos Toshkentda urushga chorlovchi qo‘shig‘i uchun senzura qilinganini aytmoqda. O‘zi nima bo‘lgandi?
Dunyo
Ganjani vayron qilgan 11 ballik zilzila, Gutenberg chop etgan ilk kitob, Suriyada harbiy operatsiya boshlagan Rossiya qo‘shinlari. Kun xronologiyasida 30-sentabr
Dunyo
Rossiya Zaporojye va Xerson viloyatlari mustaqilligini tan oldi