Bugun,

  • USD 10940.05
  • RUB 182.26
  • EUR 11121.65

O‘zbekistonda 2017-yildan e’tiboran to‘liq 9+3=12 yillik ta’lim tizimidan 11 yillik o‘qishga o‘tilgani sabab maktab va kollej o‘quvchilari tomonidan sodir etilgan umumiy jinoyatlar soni 2,5 barobarga kamaygan. Bu haqda Xalq ta’limi vazirligi matbuot xizmati ma’lum qildi.

Qayd etilishicha, bugungi kunda xalq ta’limi tizimida 9 942 ta umumiy o‘rta ta’lim maktablarida 6,2 million nafarga yaqin o‘quvchi tahsil olayotgan bo‘lib, ularga 481 ming nafar o‘qituvchi ta’lim-tarbiya berib kelmoqda.

Umumta’lim maktablarida o‘quvchilar tomonidan sodir etilishi mumkin bo‘lgan turli g‘ayriijtimoiy xatti-harakatlarning oldini olish bo‘yicha bir qator ishlar amalga oshirilmoqda. Bugun xalq ta’limi sohasida tarbiyasi og‘ir, huquqbuzarlik sodir etishga moyil o‘quvchilar bilan tizimli ishlar yo‘lga qo‘yilgan.

“Davomat”, “O‘quvchi” tadbirlari maktabga muntazam kelmayotgan o‘quvchilarni maktabga qaytarish choralarini ko‘rish maqsadida joriy etilgan.

G‘ayriijtimoiy xatti-harakatlarni sodir etishga moyil bo‘lgan o‘quvchilarni maktabning ichki nazoratiga olish tizimining mavjudligi bunday o‘quvchilar tomonidan keyinchalik jinoyatlar sodir etilishining oldini olishda katta ahamiyat kasb etmoqda.

Xususan, so‘nggi yillar davomida umumta’lim maktablari o‘quvchilari o‘rtasida sodir etilgan jinoyatchilikning koeffitsiyenti har 10 ming nafar o‘quvchiga nisbatan tahlil qilinganda 2016-yilda har 10 ming nafar o‘quvchidan 0,9 nafari jinoyat sodir etgan, 2017-yilda ushbu ko‘rsatkich 0,8 o‘quvchi, 2018-yilga kelib 0,8 o‘quvchini tashkil etgan bo‘lsa, 2019-yilning 12 oyi holatiga ko‘ra 0,7 nafar o‘quvchini tashkil qildi.

Kasb-hunar ta’limi tizimidagi holatni tahlil qilinganda mazkur ko‘rsatkich 2016-yilda — 10, 2017-yilda — 10, 2018-yilda — 9, 2019-yilda — 8 nafar o‘quvchini tashkil qilgan.

Vazirlikning ta’kidlashicha, O‘zbekistonda 11 yillik ta’limning qayta tiklanishi natijasida jami voyaga yetmaganlar o‘rtasida jinoyatchilik koeffitsiyenti 2016-yilda 2,4 ni tashkil qilgan bo‘lsa, 2019-yilda mazkur ko‘rsatkich 1,0 ni tashkil etdi.

Solishtirish uchun, 2019-yil yakuniga ko‘ra, mazkur ko‘rsatkich AQShda — 44,7 o‘quvchi, Rossiyada — 23,7 o‘quvchi, Qozog‘istonda — 7,6 o‘quvchi hamda Tojikistonda — 3,6 o‘quvchini tashkil qilgan.

Izoh
Asosiy yangiliklar
Mahalliy
Putinparast raqqos Toshkentda urushga chorlovchi qo‘shig‘i uchun senzura qilinganini aytmoqda. O‘zi nima bo‘lgandi?
Dunyo
Ganjani vayron qilgan 11 ballik zilzila, Gutenberg chop etgan ilk kitob, Suriyada harbiy operatsiya boshlagan Rossiya qo‘shinlari. Kun xronologiyasida 30-sentabr
Dunyo
Rossiya Zaporojye va Xerson viloyatlari mustaqilligini tan oldi