“O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida” qonun Prezident tomonidan imzolandi. Bu haqda Adliya vazirligi ma’lum qildi.
Qonun bilan qator qonunlar va kodekslarga tegishli o‘zgartish va qo‘shimchalar kiritildi. Xususan, “Ma’muriy javobgarlik to‘g‘risida”gi kodeks 197⁵-modda bilan to‘ldirildi.
Unga ko‘ra, ta’lim muassasalari pedagog xodimining kasbiy faoliyatiga qonunga xilof ravishda aralashish yoki ta’lim muassasasi pedagog xodimining xizmat vazifalarini bajarishga to‘sqinlik qilish javobgarlikka sabab bo‘lishi belgilandi.
Bunday huquqbuzarlik uchun:
- fuqarolarga bazaviy hisoblash miqdorining (BHMning) 5 baravaridan 7 baravarigacha (1 mln 115 ming so‘mdan 1 mln 561 ming so‘mgacha);
- mansabdor shaxslarga esa BHMning 7 baravaridan 10 baravarigacha miqdorida (1 mln 561 ming so‘mdan 2 mln 230 ming so‘mgacha) jarima qo‘llaniladi.
- fuqarolarga BHMning 7 baravaridan 10 baravarigacha (1 mln 561 ming so‘mdan 2 mln 230 ming so‘mgacha);
- mansabdor shaxslarga esa BHMning 10 baravaridan 15 baravarigacha miqdorida (2 mln 230 ming so‘mdan 3 mln 345 ming so‘mgacha) jarima qo‘llanishi mumkin.
Mavzuga doir:
- O‘zbekistonda ijod maktablari uchun yangi darsliklar yaratiladi
- Xalq ta’limi vazirligi maktab xodimlaridan o‘z hisobidan ta’til olish so‘ralayotgani haqidagi xabarlarga munosabat bildirdi
- “Avval o‘qituvchi ham, o‘quvchi ham 3 oy paxta, bir oy chopiq, 15 kun pilla bilan ovora edi”. Shavkat Mirziyoyev ta’lim tizimini tanqid qildi
Izoh (0)