O‘zbekiston Transport vazirligi 6-iyuldan 19-iyulga qadar fuqarolarni xorijdan olib kelish bo‘yicha charter reyslar ro‘yxatini taqdim etdi.

Foto: “Daryo”

Ta’kidlanishicha, Respublika maxsus komissiyasining qaroriga muvofiq xorijdagi O‘zbekiston fuqarolarini olib kelish uchun navbatdagi charter reyslarining jadvali tasdiqlangan. Unga ko‘ra joriy yilning 6-iyuldan 19-iyul kunlari davomida 19 ta reys orqali xorijdagi fuqarolar olib kelinadi.

6—12-iyul kunlariga belgilangan reyslar jadvali:

  • 6-iyul. Seul—Toshkent—Seul;
  • 6-iyul. Toshkent—Moskva—Toshkent;
  • 7-iyul. Toshkent—Istanbul—Toshkent;
  • 8-iyul. Toshkent—Seul—Toshkent;
  • 8-iyul. Minsk—Toshkent—Minsk;
  • 9-iyul. Toshkent—Moskva—Toshkent;
  • 10-iyul. Seul—Toshkent—Seul;
  • 10-iyul. Toshkent—Dubay—Toshkent;
  • 11-iyul. Toshkent—Moskva—Toshkent;
  • 12-iyul. Sankt-Peterburg—Toshkent—Sankt-Peterburg.

13-iyuldan 19-iyul kunlariga belgilangan reyslar jadvali:

  • 13-iyul. Seul—Toshkent—Seul;
  • 13-iyul. Toshkent—Moskva—Toshkent;
  • 14-iyul. Toshkent—Sankt-Peterburg—Toshkent;
  • 15-iyul. Moskva—Toshkent—Moskva;
  • 15-iyul. Toshkent—Seul—Toshkent;
  • 16-iyul. Istanbul—Toshkent—Istanbul;
  • 17-iyul. Toshkent—Nyu-York—Toshkent;
  • 18-iyul. Toshkent—Moskva—Toshkent;
  • 19-iyul. Toshkent—Vladivostok—Toshkent.

Avvalroq Respublika maxsus komissiyasining qaroriga muvofiq xorijdagi fuqarolarni O‘zbekistonga olib kelish uchun 2020-yilning 22-iyunidan 5-iyuligacha 21 ta charter reys amalga oshirish rejalashtirilgani to‘g‘risida xabar berilgandi.

Mavzuga doir: Uzbekistan Airways’ning 2020-yil oxirigacha sotilgan chiptalar puli 1-iyuldan vaucher ko‘rinishida qaytariladi

Eslatib o‘tamiz, 13-maydan 24-maygacha xorijdagi o‘zbekistonliklarni olib kelish uchun 12 ta reys amalga oshirish belgilangan va rejaga asosan amalga oshirilgandi. 25—31-may kunlari 8 ta charter reys orqali Rossiya va Turkiyadan jami 2118 nafar fuqaro O‘zbekistonga olib kelinishi xabar qilingandi. Shuningdek, 1—7-iyun kunlari xorijdagi o‘zbekistonliklarni olib kelish uchun 9 ta charter qatnovi, 8—21-iyun kunlari oralig‘ida 20 ta charter reys amalga oshirilgan.