Qashqadaryo viloyatining Yakkabog‘ tumanida boshqarma balansidagi pullarni o‘zlashtirgan tuman obodonlashtirish boshqarmasi hisobchisi va boshqalarga nisbatan jinoyat ishi qo‘zg‘atildi. Bu haqda “Daryo”ga Bosh prokuratura matbuot xizmati xabar berdi.
Qayd etilishicha, departamentning Yakkabog‘ tumani bo‘limi tomonidan o‘tkazilgan tergovga qadar tekshiruvda tuman obodonlashtirish boshqarmasi bosh hisobchisi Sh.G.va boshqalar 2016—2019-yillar davomida 8,1 million so‘mni o‘zi va 3 nafar fuqaroning yashash xonadoniga elektr energiyasi to‘lovi uchun o‘tkazganligi aniqlangan.
Shuningdek, boshqarma balansidagi obyektlardan tushgan 70,7 million so‘m naqd pullarni kirim qilmasdan, o‘zlashtirish va rastrata qilish yo‘li bilan talon-toroj qilgan.
Mazkur holat yuzasidan Sh.G. va boshqalarga nisbatan Jinoyat kodeksining 167-moddasi (O‘zlashtirish yoki rastrata yo‘li bilan talon-taroj qilish) 2-qismi bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Shahrisabz davlat muzey-qo‘riqxonasi bosh direktori ishlamagan xodimlar nomiga ish haqi yozib, 63 million so‘mni o‘zlashtirgani aniqlandi
- Xalq bankining Farg‘onadagi filiali pul omboridan 100 ming dollar o‘g‘irlagan jinoiy guruhga sud hukmi o‘qildi
- Xo‘jaylidagi Sanitariya-epidemiologiya osoyishtalik markazini ta’mirlash jarayonida 189 mln so‘m talon-toroj qilingani aniqlandi
Izoh (0)