Xorazmda 22 yoshli ayolning surat va videolarini internetga tarqatish bilan qo‘rqitib, pul talab qilgan 30 yoshli erkak qo‘lga olindi. Bu haqda IIV huzuridagi Tergov departamenti xabar berdi.
Ma’lum bo‘lishicha, 30 yoshli Sh.R. tanishi 22 yoshli M.Q.ning shaxsiy hayotiga oid ma’lumotlarni, fotosurat hamda videolarini oshkor qilish bilan qo‘rqitib, ma’lumotlarni tarqatmaslik evaziga 15 million 860 ming so‘m pul talab qilgan.
Bu pullarni 24-iyun kuni soat 19:00 da ayolning onasi M.A.dan olayotganida Xorazm viloyati IIB hamda Bosh prokuratura huzuridagi IJQK departamenti viloyat boshqarmasi xodimlari bilan hamkorlikda o‘tkazilgan tadbir jarayonida ashyoviy dalillar bilan voqea joyida qo‘lga olingan.
Mazkur holat yuzasidan Sh.R.ga nisbatan Jinoyat kodeksining 165-moddasi 1-qismi (Tovlamachilik) bilan jinoyat ishi qo‘zg‘atilgan.
Biroq 27-iyun kuni Sh.R. M.Q.dan takroran pul olganligi aniqlanganligi sababli u Jinoyat kodeksining 165-moddasi 2-qismi “a” (Takroran yoki xavfli retsidivist tomonidan sodir etilgan tovlamachilik) bandi bilan gumon qilinib, protsessual tartibda ushlangan.
Dastlabki tergov jarayonida Sh.R. ayblanuvchi tariqasida ishda jalb qilinib, unga nisbatan qamoqqa olish tarzidagi ehtiyot chorasi qo‘llanilgan. Hozirda dastlabki tergov harakatlari davom etmoqda.
Mavzuga doir:
- Qashqadaryoda 33 yoshli ayolning surat va videolarini internetga tarqatish bilan qo‘rqitib, 1000 dollar talab qilgan shaxs ushlandi
- Toshkentda 22 yoshli qizning ehtirosli suratlarini internetga tarqatish bilan qo‘rqitib, 800 dollar talab qilgan yigit ushlandi
- Urganchda 22 yoshli qizning intim suratlarini internetga tarqatish bilan qo‘rqitib, salkam 16 mln so‘m talab qilgan yigit ushlandi
Izoh (0)