Toshkent viloyati Piskent tumanida Toshkent davlat pedagogika universitetiga o‘qishga kiritishni va’da qilgan maktab o‘qituvchisi ushlandi. Bu haqda Bosh prokuratura “Daryo”ga ma’lum qildi.
Ma’lumotlarga ko‘ra, Bosh prokuratura huzuridagi departamentning Piskent tuman bo‘limi tomonidan o‘tkazilgan tezkor tadbirda, tumandagi 13-sonli maktab o‘qituvchisi bir fuqaroni tanishlari orqali Toshkent davlat pedagogika universitetining sirtqi bo‘limiga o‘qishga kiritib qo‘yishni va’da qilgan. Buning evaziga u 3,5 ming AQSh dollari va 3,8 million so‘mni olgan vaqtida ashyoviy dalillar bilan ushlangan.
Mazkur holat yuzasidan o‘qituvchiga nisbatan Jinoyat kodeksining 168-moddasi (Firibgarlik) 2-qismi va 28, 211-moddasi (Jinoyat ishtirokchilarining turlari, pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda konservatoriyaga o‘qishga kiritish uchun 5 ming dollar olgan o‘qituvchi qo‘lga tushdi (video)
- Toshkentda baholarini qo‘ydirib berish evaziga 150 dollar pora talab qilgan kollej o‘qituvchisi ushlandi
- Toshkent davlat agrar universiteti Andijon filialiga 2 ming dollarga o‘qishga kiritib qo‘ymoqchi bo‘lgan sobiq o‘qituvchi ushlandi
- Namanganda universitetga o‘qishga kiritishni va’da qilib, 2,5 ming dollar va 5 mln so‘m talab qilgan firibgar o‘qituvchi qo‘lga tushdi
