O‘zbekistonda yana 107 kishida koronavirus aniqlandi. Kasallanganlar soni 7400 nafardan oshib ketdi

O‘zbekistonda 26-iyun soat 23:30 holatiga ko‘ra, 107 kishida koronavirus aniqlandi. Hozirda kasallanganlar soni 7427 nafarga yetdi. Bu haqda Sog‘liqni saqlash vazirligi xabar berdi.

Yangi kasallanish holatlarining

• 88 tasi karantin markazidagi fuqarolar (barchasi xorijdan kelgan) orasida;
• 13 tasi Toshkent viloyatida (shundan 9 tasi koronavirusga chalinganlar bilan muloqotda bo‘lib, karantinga olingan fuqarolar orasida, 4 tasi esa aholi orasida);
• 6 tasi Toshkent shahrida (shundan 2 tasi koronavirusga chalinganlar bilan muloqotda bo‘lib, karantinga olingan fuqarolar orasida, 4 tasi aholi orasida) aniqlangan.

Avval O‘zbekistonda 26-iyun soat 17:00 holatiga ko‘ra, 92 kishida koronavirus aniqlandi. Hozirda kasallanganlar soni 7320 nafarga yetgani xabar qilingandi.

25-iyun kuni jami 161 nafar koronavirus infeksiyasiga chalingan bemor tuzalib, O‘zbekiston bo‘ylab sog‘ayganlar soni 5038 nafarni tashkil etgan.

Kun davomida 250 ta yangi kasallanish holati qayd etildi. 26-iyunni ham qo‘shganda iyun oyining o‘zida yetti marta: 7-iyun kuni 237 kishida, 16-iyun kuni 230 kishida, 20-iyun kuni 207 kishi, 23-iyun kuni 201 kishi, 24-iyun kuni 239 kishi, 25-iyunda 274 kishida infeksiya aniqlanib, bir kunda kasallanganlar soni 200 nafardan oshgan. 25-iyunda, shuningdek, bir kunda koronavirusdan tuzalganlar soni bo‘yicha ham rekord yangilangan.15-martdan beri 20 nafar bemor koronavirus asoratlari oqibatida vafot etgan.