Ўзбекистонда яна 107 кишида коронавирус аниқланди. Касалланганлар сони 7400 нафардан ошиб кетди

Ўзбекистонда 26 июнь соат 23:30 ҳолатига кўра, 107 кишида коронавирус аниқланди. Ҳозирда касалланганлар сони 7427 нафарга етди. Бу ҳақда Соғлиқни сақлаш вазирлиги хабар берди.

Янги касалланиш ҳолатларининг

• 88 таси карантин марказидаги фуқаролар (барчаси хориждан келган) орасида;
• 13 таси Тошкент вилоятида (шундан 9 таси коронавирусга чалинганлар билан мулоқотда бўлиб, карантинга олинган фуқаролар орасида, 4 таси эса аҳоли орасида);
• 6 таси Тошкент шаҳрида (шундан 2 таси коронавирусга чалинганлар билан мулоқотда бўлиб, карантинга олинган фуқаролар орасида, 4 таси аҳоли орасида) аниқланган.

Аввал Ўзбекистонда 26 июнь соат 17:00 ҳолатига кўра, 92 кишида коронавирус аниқланди. Ҳозирда касалланганлар сони 7320 нафарга етгани хабар қилинганди.

25 июнь куни жами 161 нафар коронавирус инфекциясига чалинган бемор тузалиб, Ўзбекистон бўйлаб соғайганлар сони 5038 нафарни ташкил этган.

Кун давомида 250 та янги касалланиш ҳолати қайд этилди. 26 июнни ҳам қўшганда июнь ойининг ўзида етти марта: 7 июнь куни 237 кишида, 16 июнь куни 230 кишида, 20 июнь куни 207 киши, 23 июнь куни 201 киши, 24 июнь куни 239 киши, 25 июнда 274 кишида инфекция аниқланиб, бир кунда касалланганлар сони 200 нафардан ошган. 25 июнда, шунингдек, бир кунда коронавирусдан тузалганлар сони бўйича ҳам рекорд янгиланган.15 мартдан бери 20 нафар бемор коронавирус асоратлари оқибатида вафот этган.