O‘zbekistonda koronavirusga chalinganlar soni 42 nafarga ko‘paydi. Kasallik Xorazmga qaytdi

O‘zbekistonda 6-iyun soat 17:00 holatiga ko‘ra, koronavirusga chalinganlar soni 42 kishiga ko‘payib, 4064 nafarga yetdi, deya xabar bermoqda Sog‘liqni saqlash vazirligi.

Yangi kasallanish holatlarining

• 24 tasi Karantin markazidagi fuqarolar orasida;
• 4 tasi Sirdaryo viloyatida koronavirusga chalinganlar bilan muloqotda bo‘lib, karantinga olinganlar orasida;
• 2 tasi Toshkent viloyatida xorijdan chegara post orqali kelgan xalqaro yuk tashuvchi avtomashina haydovchilarida;
• 6 tasi Namangan viloyatida aholi orasida;
• 3 tasi Toshkent shahrida aholi orasida;
• 3 tasi Xorazm viloyatida aholi orasida

qayd etilgan.

O‘zbekistonda 6-iyun soat 17:00 holatiga ko‘ra, 801 nafar bemor koronavirus infeksiyasidan davolanishni davom ettirmoqda.

Eslatib o‘tamiz, hozirgacha mamlakatda qayd etilgan bemorlarning 3247 nafari butunlay sog‘aygan, 16 nafari esa kasallik asoratlari oqibatida vafot etgan.