AQShdagi norozilik namoyish ishtirokchilari Apple do‘konini o‘mardi. Kompaniya o‘g‘irlangan iPhone’larni “g‘ishtga” aylantirib qo‘ydi

AQShda afro-amerikalik Jorj Floydning politsiya tomonidan o‘ldirilganidan so‘ng, boshlangan norozilik namoyishlari oqibatida ommaviy tartibsizliklar va bosqinlar yuzaga keldi. Tartibsizliklarning ayrim ishtirokchilari do‘konlarga o‘g‘irlikka tusha boshladi — bu Apple’ning savdo nuqtalarini ham chetlab o‘tmadi. Bir necha Apple Store do‘konlaridan ko‘plab iPhone va kompaniyaning boshqa gadjetlari o‘g‘irlab ketilgan, deb xabar beradi Hi-Tech.Mail.ru.

Biroq kompaniya bunga qarshi zudlik bilan chora ko‘rdi. Ijtimoiy tarmoqlarda o‘g‘irlangan smartfonlar kompaniya tomonidan blokka tushirib qo‘yilgani haqida xabarlar tarqaldi.

Apple do‘kondan noqonuniy olingan gadjetlarni qaytarishni so‘rab, qurilma kuzatilishini va u haqdagi ma’lumotlar hukumat vakillariga berilishidan ogohlantirgan. Ta’kidlanishicha, do‘konda ro‘yxatdan chiqarilmagan gadjetlar avtomatik ravishda bloklanadi. Bu o‘g‘ri va bosqinchilardan ajoyib himoya hisoblanadi.

https://twitter.com/onlyfanobtainer/status/1266933834064572416