Toshkent shahar IIBB 5-iyun kuni Toshkent shahri Shayxontohur tumanidagi Kichik halqa avtomobil yo‘lida (sobiq Archa ko‘cha) yigitlar o‘rtasidagi janjal va pichoqbozliklar yuzasidan rasmiy ma’lumot berdi.

Kadr: Telegram

Unga ko‘ra 5-iyun kuni soat 18-19 lar oralig‘ida Shayxontohur tumanidagi Kichik avtomobil yo‘lida yoshlar o‘rtasidagi janjal oqibatida ikki nafar yigit pichoq bilan yaralanib, shifoxonaga yetkazilgan.

“IIBB to‘palonda ishtirok etgan boshqa yigitlarning shaxsi va janjal ishtirokchilarining umumiy sonini aniqlashtirmoqda. Qoidabuzarlarni qo‘lga olish bo‘yicha chora ko‘riladi. Hodisa Toshkent shahar IIBB boshlig‘ining shaxsiy nazoratiga olingan”, — deyiladi xabarda.