«Арча-кўча»даги пичоқбозлик юзасидан расмий маълумот берилди (видео)

Тошкент шаҳар ИИББ 5 июнь куни Тошкент шаҳри Шайхонтоҳур туманидаги Кичик ҳалқа автомобиль йўлида (собиқ Арча кўча) йигитлар ўртасидаги жанжал ва пичоқбозликлар юзасидан расмий маълумот берди.

Унга кўра 5 июнь куни соат 18-19 лар оралиғида Шайхонтоҳур туманидаги Кичик автомобиль йўлида ёшлар ўртасидаги жанжал оқибатида икки нафар йигит пичоқ билан яраланиб, шифохонага етказилган.

«ИИББ тўпалонда иштирок этган бошқа йигитларнинг шахси ва жанжал иштирокчиларининг умумий сонини аниқлаштирмоқда. Қоидабузарларни қўлга олиш бўйича чора кўрилади. Ҳодиса Тошкент шаҳар ИИББ бошлиғининг шахсий назоратига олинган», — дейилади хабарда.