Amerikalik taniqli xonanda, R’n’B qirolichasi deya e’tirof etiladigan Rianna 2019-yilning eng badavlat qo‘shiqchisiga aylangan edi.
Rianna yoz mavsumini o‘tkazish uchun Nyu-York shahridan 1,5 soatlik uzoqlikda, Atlantika okeani sohilida joylashgan Xemptons shaharchasidan villa ijaraga oldi. Shu tarzda xonanda zarur ishi chiqib qolsa tezda megapolisga yetib bora oladi, qolgan vaqtini esa shahar tashqarisidagi ajoyib koshonada o‘tkazadi.
Qayd etilishicha, Rianna yozda vaqtini chog‘ o‘tkazib, ushbu villani 2020-yilning kuzida sotib olishni rejalashtirmoqda.
Villa ijarasi xonandaga mavsum uchun 800 ming dollarga tushgan. Uning narxi esa 18,5 million dollar.
Villa 400 kvadrat metr maydonda joylashgan, unda to‘rtta yotoqxona, bir nechta yuvinish xonasi, mehmonxona, oshxonalar bor.
Uy interyeri asosan oq rangda. Uning hovlisida jakuzi, basseyn, plyajning alohida qismi, bog‘ mavjud.
Izoh (0)