Bugun,

  • USD 11095.31
  • RUB 173.84
  • EUR 10772.44

2020-yil 1-iyun holatiga ko‘ra, Ookla kompaniyasi “Speedtest.net” servisi COVID-19’ning internet global sur’atiga ta’sirini e’lon qildi. Buning natijalarga ko‘ra, O‘zbekistonda internet tezligi 6 foizga (Fixed Speed Change), mobil internet tezligi esa 18 foizga (Mobile Speed Change) ko‘tarilgan. Bu haqda Axborot texnologiyalari va kommunikatsiyalarini rivojlantirish vazirligi axborot xizmati xabar berdi.

Foto: Axborot texnologiyalari va kommunikatsiyalarini rivojlantirish vazirligi

Foto: Axborot texnologiyalari va kommunikatsiyalarini rivojlantirish vazirligi
axborot xizmati

Jahon miqyosida COVID-19 pandemiyasi sharoitida internetning o‘rtacha tezligi 1 foizga (Fixed Speed Change), mobil internet tezligi 7 foizga o‘sgan, xolos (Mobile Speed Change).

O‘zbekistonda esa internet tezligi 6 foizga (Fixed Speed Change), mobil internet tezligi esa 18 foizga (Mobile Speed Change) ko‘tarilgan.

“Ta’kidlash kerakki, oxirgi yilda internet tezligi bo‘yicha ijobiy o‘zgarishlar amalga oshirildi. Jumladan, 2020-yil aprel holatiga ko‘ra, internet tezligi bo‘yicha reytingda O‘zbekiston 94-pog‘onani egallagan. Ya’ni bir yil davomida 37 pog‘onaga ko‘tarilib, 131-o‘rindan 94-pog‘onaga yuqorilagan. O‘zbekistonda oxirgi yil natijalariga ko‘ra, internet tezligi qariyb 2,3 baravarga o‘sgan. 2019-yil mart  holatiga ko‘ra, 11,62 Mbit/s bo‘lgan bo‘lsa, 2020-yil aprel holatiga ko‘ra, 25,88 Mbit/sekund gacha ko‘tarildi. 2020-yil 1-iyun holatiga ko‘ra esa O‘zbekistonda  internet tezligi 27,12 Mbit/sekundni tashkil etdi.

Bundan tashqari oxirgi oy natijalariga ko‘ra, mobil internet tezligi ham o‘smoqda: birgina 2020-yil aprel holati bo‘yicha mobil internet tezligi 9,68 Mbit/sekundni tashkil qilgan bo‘lsa, bir oy ichida mazkur ko‘rsatkich 11,92 Mbit/sekundgacha o‘sdi”, — deyiladi xabarda.

Izoh
Asosiy yangiliklar
Mahalliy
O‘zbekistonda dollarning rasmiy kursi oshdi
Mahalliy
Prezident viloyat hokimlari va elchilarga eksportni 2,5 mlrd dollarga yetkazish bo‘yicha topshiriq berdi
Qozog‘iston
Qozog‘iston Rossiyaga reeksportni tekshirishni kuchaytiradi