Amerikaning 16 ta shtatidagi kamida 25 ta shaharda fuqarolar tomonidan o‘ktazilayotgan ommaviy norozilik namoyishlari sabab komendantlik soati joriy etildi, deb xabar beradi CNN.
Tartibsizliklar va politsiya bilan to‘qnashuvlarga olib kelayotgan norozilik namoyishi 25-may kuni Minneapolisda politsiya tomonidan qo‘lga olingan 46 yoshli afroamerikalik Jorj Floyd vafot etganidan so‘ng boshlandi. Gumonlanuvchini qo‘lga olishda ishtirok etgan politsiyachilardan biri uni yuzi bilan asfaltga yoqtizib, tizzasi bilan Floydning yuzini bir necha daqiqa bosib turgan va u nafas olishdan to‘xtagan.
Afroamerikalikning o‘limi Black Liver Matter nozorilik harakatining yana avj olishiga turtki bo‘ldi. Floydni o‘ldirgan politsiyachiga rasman ayblov e’lon qilingan, biroq namoyishchilar qo‘lga olishda ishtirok etgan boshqa uch nafar politsiyachi ham jazolanishini talab qilmoqda. Ommaviy noroziliklar bir qator shaharliklarda talon-toroj va tartibsizliklarga aylanib ketgan. Politsiya namoyishchilarga qarshi rezina o‘q va ko‘zni yoshlantiruvchi gazdan foydalanishni boshladi.
Komendantlik soati 31-may kuni tongda Minneapolis, Los-Anjeles, San-Fransisko, Denver, Mayami, Atlanta, Chikago, Klivlend, Portlend, Filadelfiya, Pittsburg, Neshvill, Sietl shaharlarida e’lon qilingan. Boshqa shaharlarda qo‘shimcha ravishda favqulodda holat rejimi amalda. Ammo komendantlik soatiga qaramay odamlar kechasi ko‘chaga chiqishda davom etmoqda.
Norozilik namoyishi vaqtida to‘rt kishi halok bo‘lgan, kamida 13 nafar politsiyasi jarohat olgan. Butun mamlakat bo‘ylab 1,3 mingdan ortiq odam qo‘lga olingan.
Izoh (0)