Bugun,

  • USD 10940.05
  • RUB 182.26
  • EUR 11121.65

BMT qoshidagi Jahon turizm tashkiloti (UNWTO) bosh kotibi Zurab Pololikashvili koronavirus pandemiyasidan keyin turistlar orasida qishloqlarga sayohat qilish avjiga chiqishini taxmin qildi, deya uning so‘zlarini keltirgan Handelsblatt.

Foto: Handelsblatt

Foto: Handelsblatt

Ekspertning taxminiga ko‘ra, sayohatning ushbu turi yanada ommalashadi, sababi turistlar odamlar to‘planadigan joylardan, xususan, sohil bo‘yi va dengiz kurortlaridan qocha boshlaydi.

“Ispaniyada joy band qilganlarning 70 foizi qishloqlarga borishni istayotgani ma’lum qilingan”, — deydi Pololikashvili.

U yangi tendensiya ijobiy hodisa bo‘lishi, sababi sayyohlar uchun unchalik ommaviy bo‘lmagan joylar ham endi daromad qilishi mumkinligini qayd etgan.

“Biz qishloqlar bo‘ylab sayohat turizmi koronavirus inqirozidan chiqish sharoitida yaxshi daromad olib keladigan tendensiya deb hisoblaymiz”, — deya ta’kidlagan Jahon turizm tashkiloti raisi.

Shuningdek, u yaqin yillarda tog‘ va tog‘oldi hududlari, qishloqlarga sayohat qilishga bo‘lgan talab juda yuqori bo‘lishini aytib o‘tdi.

Bundan tashqari, Pololikashvili dam oluvchilarning xorijga safar qilishda ahamiyat beradigan jihatlari ham ko‘payishini taxmin qildi. Uning fikricha, endi turistlar mahalliy sog‘liqni saqlash tizimi xizmatlarining sifatiga e’tibor qaratadi.

Avval Zurab Pololikashvili xalqaro turizmning 2020-yil avgustidan avval boshlanmasligini ma’lum qilgan va turistik sayohatlarning 70 foizga qisqarishi, mamlakatlar esa avgust—sentabr oylaridan sayyohlar uchun chegaralarini ochishini bildirgandi.

Eslatib o‘tamiz, O‘zbekistonda 1-iyundan ichki turizm o‘z faoliyatini qayta boshlaydi, shuningdek, hukumat tomonidan turizm sohasidagi “startap” loyihalar va innovatsion biznes g‘oyalarni umumiy 1,5 milliard so‘m miqdorida qisman subsidiyalash orqali qo‘shimcha ko‘mak ko‘rsatilmoqda.

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak