Bugun,

  • USD 10940.05
  • RUB 182.26
  • EUR 11121.65

Toshkentdagi Virusologiya ilmiy-tekshirish instituti klinikasida ikki hafta davomida koronavirus infeksiyasiga qarshi kurashgan bir guruh tibbiyot xodimlari 29-mart kuni, sog‘liqni saqlash vaziri Alisher Shodmonov ishtirokida, yuksak ehtirom bilan kuzatildi.

Foto: Sog‘liqni saqlash vazirligi

Foto: Sog‘liqni saqlash vazirligi

“Endilikda ular o‘rnida tibbiyot xodimlarining navbatdagi guruhi faoliyat boshlashadi. O‘z navbatida, shifoxonani tark etgan tibbiyot xodimlari 14 kun davomida izolyatsiya qilinadi”, — deya xabar bermoqda Sog‘liqni saqlash vazirligi matbuot xizmati.

Foto: Sog‘liqni saqlash vazirligi

Foto: Sog‘liqni saqlash vazirligi

Prezident Mirziyoyev koronavirus bilan bog‘liq vaziyat yuzasidan O‘zbekiston xalqiga qilgan ikkinchi murojaatida “o‘z hayoti va sog‘ligini garovga qo‘yib, pandemiya bilan kurashayotgan shifokorlar, hamshiralar, sanitar xodimlarga” butun O‘zbekiston nomidan cheksiz minnatdorlik bildirgan edi.

Foto: Sog‘liqni saqlash vazirligi

Foto: Sog‘liqni saqlash vazirligi

Qayd etish joiz, koronavirusdan zararlangan bemorlar bilan muloqotda bo‘ladigan, bemorlar joylashtirilgan obyektlarda hamda koronavirusni aniqlash laboratoriyalarida faoliyat olib borayotgan tibbiyot, sanitariya-epidemiologiya xizmati va boshqa xodimlarga har 14 kunlik faoliyat davri uchun Prezident tomonidan maxsus qo‘shimcha rag‘batlantirish to‘lovi belgilangan.

Foto: Sog‘liqni saqlash vazirligi

Foto: Sog‘liqni saqlash vazirligi

Unga ko‘ra, vrach xodimlarga, vrach-laborantlarga — 25 million so‘m; o‘rta tibbiyot xodimlariga, hamshira-laborantlarga — 15 million so‘m; kichik tibbiyot xodimlariga — 10 million so‘m; boshqa xodimlarga — 5 million so‘m. Shuningdek, bemorlar bilan ishlash davomida koronavirus infeksiyasini yuqtirib olgan tibbiyot, sanitariya-epidemiologiya xizmati va boshqa xodimlarga 100 million so‘m to‘lanadi.

Shuningdek, koronavirus infeksiyasiga qarshi kurashish doirasida bemorlar bilan ishlagan vaqtida koronavirus infeksiyasini yuqtirish natijasida og‘ir ahvolga tushgan va sog‘lig‘i tiklanmagan taqdirda tibbiyot, sanitariya-epidemiologiya xizmati va boshqa xodimlarga yoki ularning oila a’zolariga esa 250 million so‘m miqdorida bir martalik to‘lovlar to‘lanadi.

Ma’lumot uchun, 29-mart Toshkent vaqti bilan soat 16:00 holatiga O‘zbekistonda 133 kishida koronavirus aniqlangan, ularning ikki nafari vafot etgan, yetti nafari sog‘aygan. Avvalroq kasallanganlarning kamida 11 nafari Virusologiya ilmiy-tekshirish instituti xodimlari ekani aytilgan edi. Qayd etish joiz, O‘zbekistonda koronavirus aniqlangan birinchi bemor va kasallikning ikkinchi qurboni shifokor edi.

Izoh
Asosiy yangiliklar
Mahalliy
Putinparast raqqos Toshkentda urushga chorlovchi qo‘shig‘i uchun senzura qilinganini aytmoqda. O‘zi nima bo‘lgandi?
Dunyo
Ganjani vayron qilgan 11 ballik zilzila, Gutenberg chop etgan ilk kitob, Suriyada harbiy operatsiya boshlagan Rossiya qo‘shinlari. Kun xronologiyasida 30-sentabr
Dunyo
Rossiya Zaporojye va Xerson viloyatlari mustaqilligini tan oldi