O‘zbekistonda koronavirus infeksiyasi bilan kasallanganlar soni 29 taga oshib, 133 nafarga yetdi. Bu haqda Sog‘liqni saqlash vazirligi xabar berdi.

Shuningdek, koronavirus infeksiyasi bilan kasallangan bemorlarning yetti nafari butunlay sog‘ayib, shifoxonadan chiqarilib, reabilitatsiya markaziga o‘tkazilgani ma’lum qilingan.

Ma’lumot uchun, 29-martga qadar O‘zbekistonda koronavirus infeksiyasiga chalinish bilan bog‘liq 104 ta holat aniqlangani, ikki kishi vafot etgan ma’lum qilingandi.