O‘zbekistonda karantin e’lon qilingan kundan boshlab respublikada ushbu qoidalarga amal qilmaslik bilan bog‘liq jami – 10 350 ta holat qayd qilingan, deb xabar bermoqda IIV axborot xizmati.

Ma’lum qilinishicha, Toshkent shahrida – 1 731 ta, Toshkent viloyatida – 867 ta holat, Jizzax viloyatida – 975 ta, Buxoro viloyatida – 543 ta, Samarqand viloyatida – 1 179 ta, Qashqadaryo viloyatida – 546 ta, Surxondaryo viloyatida – 678 ta, Xorazm viloyatida – 167 ta, Sirdaryo viloyatida – 326 ta, Farg‘ona viloyatida – 1 386 ta, Navoiy viloyatida – 206 ta, Namangan viloyatida – 830 ta, Andijon viloyatida – 576 ta hamda Qoraqalpog‘iston Respublikasida 340 ta holat aniqlangan.

“Karantin qoidalari va sanitariya cheklovlariga rioya qilish yuzasidan tushuntirish ishlari olib borilishiga qaramasdan, hamon qoidabuzarlik holatlari kuzatilmoqda”, – deyiladi vazirlik axborotida.

Avvalroq, Qashqadaryoda fuqaro un narxi oshgani haqidagi noaniq xabar bilan viloyat hokimini chalg‘itishga uringani haqida xabar berilgandi.