PSJning argentinalik yarim himoyachisi Anxel di Mariya koronavirus pandemiyasi haqida fikrlari bilan bo‘lishdi.

Foto: Twitter

32 yoshli futbolchining so‘zlariga ko‘ra, uning oilasi karantin qoidalariga to‘la rioya etmoqda.

“Ayni damda qandaydir aqlbovar qilmas narsalarni boshdan o‘tkazmoqdamiz. Hech narsa qilmaslikka va uyda qolishga harakat qilyapmiz. Kasallanishni va bu orqali o‘z farzandlarimizga ham zarar keltirishni xohlamaymiz. Do‘konga tez-tez chiqib turibman. Odamlar bir-birini hurmat qilgan holda tutmoqda. Rafiqam atigi bir marta ko‘chaga chiqdi, xolos. Hozir hamma ko‘chaga chiqishdan qo‘rqyapti. Guvoh bo‘layotganlarimiz ham bizni qo‘rqitmoqda”, — deya Anxelning so‘zlarini keltirmoqda FOX Sports.

Ma’lumot uchun, butun dunyo bo‘yicha koronavirusga chalinganlar soni 678 720 kishiga yetgan, ulardan 145 mingdan ortig‘i sog‘aygan. Kasallikdan 30 848 kishi vafot etdi.

O‘zbekistonda 29-mart Toshkent vaqti bilan 16:00 holatiga 133 kishida koronavirus aniqlangan. Bemorlarning ikki nafari vafot etgan, yetti nafari sog‘aygan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!