Toshkent shahri va viloyatlarda yashovchi aholi, asosan, ko‘p qavatli uylarda istiqomat qiluvchi fuqarolar COVID-19 koronavirusi pandemiyasiga qarshi kurash olib borayotgan barcha tibbiyot xodimlari, Milliy gvardiya va boshqa vazirlik hamda idoralar vakillarini, shuningdek, O‘zbekiston Respublikasi Prezidentini qo‘llab-quvvatlash maqsadida fleshmob uyushtirdi.

Kadr: Instagram

Odamlar soat 22:00 da balkonlariga chiqib yoki deraza oldida turib, qarsak chalib koronavirusga qarsh kurashayotgan barcha mutasaddilar, karantindagi fuqarolar, ularga qarayotgan tibbiyot xodimlari, shifokorlar va yana bir nechta kasb vakillarini qo‘llab-quvvatladi.

Ijtimoiy tarmoqlarda fleshmobda ishtirok etayotgan insonlarning videolari keng tarqalmoqda.

27-mart soat 20:00 holatiga ko‘ra, O‘zbekistonda koronavirusga chalinganlar soni 88 nafarga yetgan, respublikada jamoat joylarida niqob taqmagan 178 kishi 61,8 million so‘m jarimaga tortilgan. O‘zbekistonda o‘ta zaruratsiz uydan chiqish va ko‘chada 3 nafardan ortiq bo‘lib to‘planish taqiqlangan.