Xitoylik taniqli aktyor, rejissor, kaskadyor va ssenariynavis Jeki Chan OAVda o‘zining koronavirus bilan kasallangani haqida tarqalgan xabarlarga Instagram’dagi rasmiy sahifasida izoh berdi.
“Hammaga men haqimda qayg‘urishgani uchun tashakkurimni izhor etaman. Iltimos, xavotirga tushmang, men karantinda emasman. Qolganlar ham xavfsiz yerda, sog‘-salomat bo‘lishni tilayman!” — deb yozgan Jeki Chan Instagram’da.
Avvalroq Jeki Channing koronavirus bilan kasallangani va shu sababli shifoxonaga yotqizilgani haqida xabarlar tarqalgandi.
Mavzuga doir:
Xitoy Sog‘liqni saqlash milliy komissiyasining ma’lum qilishicha, 27-fevral holatiga ko‘ra, butun mamlakat bo‘ylab virusni yuqtirib olganlar soni 78 mingdan oshib, 32 495 kishi davolanishga muvaffaq bo‘ldi. Koronavirus bilan kasallanish oqibatida vafot etganlar soni 2744 kishiga yetdi.
Koronavirus o‘chog‘i — Xubey provinsiyasida kasallikka chalinganlar 65,5 ming kishini tashkil etmoqda. O‘tgan bir sutka davomida Xubeyda virusni yuqtirib olish bo‘yicha 409 ta yangi holat qayd etilgan, 2288 kishi davolanib, uyiga javob berilgan, yana 26 kishi kasallik oqibatida vafot etgan.
Xitoydan tashqarida koronavirusni yuqtirib olish bo‘yicha 133 ta holat qayd etilgan: Gonkong (2 kishi vafot etgan), Makao va Tayvan — tegishli ravishda 91, 10 va 32 nafar odam. Dunyoning 30 dan ortiq mamlakatida aniqlangan holatlar hisobga olinganda 82 027 kishida koronavirus aniqlangan, 2800 bemor vafot etgan.
Izoh (0)