Fransiya Kubogining chorak finalidan o‘rin olgan ikkita o‘yin 12-fevral, chorshanba kuni bo‘lib o‘tdi.
Foto: Twitter
PSJ safarda “Dijon”ga qarshi maydonga tushdi va yirik hisobdagi g‘alabani qo‘lga kiritdi. Parijliklar safida Pablo Sarabiya dubl qayd etgan bo‘lsa, Kilian Mbappe va Tiago Silva bir martadan raqib darvozasini ishg‘ol qildi. Shuningdek, mezbonlar tomonidan ikkita avtogol ijro etildi.
Yana bir bahs “Lion” hamda “Marsel” jamoalari o‘rtasida kechdi. Uchrashuvning 81-daqiqasida Ussem Auar tomonidan kiritilgan to‘p o‘yin taqdirini hal qilib keldi.
Shu tariqa PSJ va “Lion” musobaqa yarim finaliga yo‘l oldi. Avvalroq “Renn” ilk yarim finalchiga aylangandi. So‘nggi yo‘llanma egasi “Epinal” — “Sent-Etyen” uchrashuvida aniqlanadi.
Fransiya Kubogi
¼ final bahslari
12-fevral, chorshanba
“Dijon” — PSJ 1:6
Gollar: 0:1 — 1, avtogol Lotoa, 1:1 — 13 Shuyar, 1:2 — 44 Mbappe, 1:3 — 50 Tiago Silva, 1:4 — 55 Sarabiya, 1:5 — 86, avtogol Senu Kulibali, 1:6 — 90+1 Sarabiya.
“Lion” — “Marsel” 1:0
Gol: 1:0 — 81 Auar.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
