Франция Кубогининг чорак финалидан ўрин олган иккита ўйин 12 февраль, чоршанба куни бўлиб ўтди.
ПСЖ сафарда «Дижон»га қарши майдонга тушди ва йирик ҳисобдаги ғалабани қўлга киритди. Парижликлар сафида Пабло Сарабия дубль қайд этган бўлса, Килиан Мбаппе ва Тиаго Сильва бир мартадан рақиб дарвозасини ишғол қилди. Шунингдек, мезбонлар томонидан иккита автогол ижро этилди.
Яна бир баҳс «Лион» ҳамда «Марсель» жамоалари ўртасида кечди. Учрашувнинг 81-дақиқасида Уссем Ауар томонидан киритилган тўп ўйин тақдирини ҳал қилиб келди.
Шу тариқа ПСЖ ва «Лион» мусобақа ярим финалига йўл олди. Аввалроқ «Ренн» илк ярим финалчига айланганди. Сўнгги йўлланма эгаси «Эпинал» — «Сент-Этен» учрашувида аниқланади.
Франция Кубоги
¼ финал баҳслари
12 февраль, чоршанба
«Дижон» — ПСЖ 1:6
Голлар: 0:1 — 1, автогол Лотоа, 1:1 — 13 Шуйар, 1:2 — 44 Мбаппе, 1:3 — 50 Тиаго Силва, 1:4 — 55 Сарабия, 1:5 — 86, автогол Сену Кулибали, 1:6 — 90+1 Сарабия.«Лион» — «Марсель» 1:0
Гол: 1:0 — 81 Ауар.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)