Bugun, 3-fevral kuni Toshkentda Markaziy Osiyo va Amerika Qo‘shma Shtatlari tashqi siyosat idoralari rahbarlarining “C5+1” shaklidagi uchrashuvi bo‘lib o‘tdi.
TIV matbuot xizmati xabariga ko‘ra, uchrashuvda Qozog‘iston tashqi ishlar vaziri, Muxtor Tleuberdi, Qirg‘iziston tashqi ishlar vaziri Chingiz Aydarbekov, Tojikiston tashqi ishlar vaziri Sirojiddin Muxriddin, Turkmaniston Vazirlar Mahkamasi raisi o‘rinbosari, Tashqi ishlar vaziri Rashid Meredov, O‘zbekiston tashqi ishlar vaziri Abdulaziz Komilov va AQSh davlat kotibi Maykl Pompeo ishtirok etdi.
Delegatsiyalar rahbarlari o‘z nutqlarida 2015-yili Samarqand shahrida boshlangan vazirlar uchrashuvlarining formati o‘zaro manfaatli hamkorlikni qo‘llab-quvvatlash va kengaytirishning dolzarb va samarali mexanizmi sifatida o‘zini namoyish etgani qayd etdi.
Shuningdek, vazirlar uchrashuvida dolzarb mintaqaviy muammolar, xususan Afg‘onistondagi vaziyat yuzasidan fikr almashdi.
Izoh (0)