O‘zbekiston olimpiya terma jamoasi U23 Osiyo Chempionatining 3-turida Janubiy Koreyaga yutqazib qo‘ydi (1:2). Uchrashuvdan so‘ng O‘zbekiston ustozi Lyubinko Drulovich matbuot anjumanida qatnashdi.

Foto: O‘FA

“Biz uchun muhim o‘yin edi. Vazifa bajarildi. Lekin o‘yin qiyin kechdi. Koreyaliklar kuchli bosim qildi, o‘ynashga qiynaldik.

O‘yinlar oralig‘i juda kam. Tiklanishga qiynaldik va bu normal uchrab turadigan muammolar. Janubiy Koreya tezkor gol urdi va rejalarimiz buzildi. Muhimi asosiy vazifa uddalandi.

Kuchli jamoalar bilan o‘yinlar har doim qiyin kechadi. Janubiy Koreyada 7 futbolchi almashdi, ular esa kuch yo‘qotmagandi. Bizda esa bir tarkib o‘ynadi. Nima bo‘lganda ham keyingi o‘yinlarda xatolar ustida ishlaymiz.

Biz mag‘lub bo‘ldik. Maqsadga qarab ketishda davom etyapmiz. Orzularimiz sari intilishda davom etamiz. Hozir endi asosiy niyat yarim finalga chiqib olish”, — deydi Drulovich.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!