Avstraliya janubi-sharqida bir necha oydan beri o‘rmon yong‘inlari davom etmoqda. Olov o‘tgan davr mobaynida kamida 4 million gektar o‘rmonni kulga aylantirdi, 11 kishi halok bo‘ldi.
Hozirda o‘rmon yong‘inlari Avstraliyaning to‘rt shtatida davom etmoqda, birgina Viktoriya va Yangi Janubiy Uels shtatlarida 200 dan ortiq alanga o‘choqlari aniqlangan.
Olovning shiddatli tarqalishi oqibatida, Yangi yil arafasida sohilbo‘yi shaharlaridan chiqish yo‘llari to‘silib qoldi, oqibatda minglab odamlar plyajlarga ko‘chib chiqdi.
Hukumat tabiiy ofatni bartaraf etish va aholini evakuatsiya qilish uchun harbiy kemalar va vertolyotlarni ham jalb etgan, deb yozadi Meduza.