Shimoliy Koreya yetakchisi Kim Chen In KXDR ishchi partiyasi markaziy kengashining yalpi majlisining uchinchi kunida yetti soat davomida mamlakat suverenitetini himoya qilish borasida amalga oshirish zarur bo‘lgan siyosiy-diplomatik va harbiy chora-tadbirlar haqida gapirdi. Bu haqda Shimoliy Koreya telegraf agentligi xabar qilgan.
KXDR markaziy kengashi 5-yalpi majlisining birinchi kuni davlat rahbari Kim Chen Inning raisligida o‘tgan va unda partiya qurilishi hamda milliy mudofaa masalalari muhokama qilingandi. Avvalroq KXDR rasmiylari dekabr oxirida mamlakat ichi va xorijda o‘zgargan vaziyat muhokama qilinishini xabar bergan. Dushanbada KXDR OAV ikkinchi yalpi majlisining natijalari va uning uchinchi kunda ham davom etishi haqida ma’lum qilgan.
Kim Chen In yalpi majlisning uchinchi kunidagi yig‘ilishda yetti soat davomida davlat qurilishi, iqtisodiyot va qurolli kuchlarni rivojlantirish haqida gapirgan. KXDR yetakchisi ma’ruzasida davlat boshqaruvining o‘ziga xosliklari, jumladan, mamlakat iqtisodiyotini tartibga keltirish, qishloq xo‘jaligini rivojlantirish, ilm-fan, ta’lim va sog‘liqni saqlash sohasiga e’tibor qaratish, ishlab chiqarish hajmi va sifatini oshirish, shuningdek, atrof-muhitni asrash hamda tabiiy ofatlardan muhofaza masalalari xususida to‘xtalgan.
Mavzuga doir:
Kim Chen In inqilobning to‘liq g‘alaba qozonishi va xalqning baxtli hayot kechirishi uchun yana qiyin va uzoq davom etadigan kurash olib borilishi, partiya rolini oshirish, kadrlar siyosati va axloq me’yorlariga e’tibor qaratish lozimligini bildirdi.
Xabarga ko‘ra, majlis to‘rtinchi kuni ham davom ettiriladi.
Izoh (0)