Prezident Shavkat Mirziyoyev 2020-yil fevral oyi boshida Rossiyaga safar qiladi. Bu haqda O‘zbekiston tashqi ishlar vaziri birinchi o‘rinbosari Ilhom Ne’matov Rossiyaning “RIA Novosti” agentligiga bergan intervyusida aytib o‘tdi.
Tashrif fevral oyi boshida bo‘ladi. Bu protokol bilan bog‘liq, boz ustiga buyoqda Yangi yil bayrami. Hozircha 5-fevral deyishyapti. Rossiya tomoni ham, O‘zbekiston ham 5-fevralga tayyorgarlik ko‘ryapti. O‘zbekiston va Rossiya o‘rtasidagi munosabatlarning har tomonlama rivojlanishi va mustahkamlanishiga shaxsan Shavkat Mirziyoyevning o‘zi ulkan, alohida ahamiyat qaratmoqda.Eslatib o‘tamiz, Shavkat Mirziyoyev 20-dekabr kuni ham Rossiyada bo‘lib qaytgan edi.Mamlakatlarimiz o‘rtasida mahsulot ayirboshlash hajmi beqiyos darajada o‘sdi. O‘zbekiston va Rossiya prezidentlari o‘rtasidagi siyosiy muloqot mustahkamlanmoqda.
O‘zbekiston va Rossiya bosh vazirlari darajasidagi hukumatlararo komissiya nufuzini ham oshirdik. U yerda uchrashuvlar o‘tkazayotgan ko‘plab guruhlar bor. Biz tomondan — iqtisodiyot va sanoat vazirimiz Botir Xo‘jayev, Rossiya tomondan esa Maksim Oreshkin. Ular juda tez-tez uchrashishyapti, yaqinda olgan axborotimga ko‘ra, yanvarning ikkinchi yarmida O‘zbekistonga Oreshkin boshliq katta delegatsiya keladi. Iqtisodiyot sohasidagi hamkorlik masalalarini muhokama qilamiz.
Ilhom Ne’matov, O‘zbekiston tashqi ishlar vaziri birinchi o‘rinbosari
Izoh (0)