Bruklin sudi AQSh sobiq prezidenti Barak Obamani o‘ldirmoqchi bo‘lgan o‘zbekistonliklarga nisbatan hukm chiqardi, deb xabar beradi UPI.
“Togri.uz”ning yozishicha, ayblovni 31 yoshli Dilhayot Qosimov ham tan olgan. Guruhni moliyalashtirgan Qosimovni 30 yilgacha qamoq jazosi kutmoqda. Ayblov xulosasida undan tashqari yana uch kishi terrorchi guruhga yordam berganligi ko‘rsatilgan.
“Hakamlar hay’atiga ko‘ra, Qosimov xorijlik jangarilarni Suriyaga jihodga borishlarida yo‘l xarajatlarini moliyalashtiruvchi fitnaning bir qismi bo‘lgan”, deydi prokuror Richard Donoxyu.
Rasmiy vakillar Afror Saidahmetov, Abdurasul Jo‘raboyev va Abror Habibovlar avval Turkiyaga borib, u yerdan Suriyaga o‘tib ketishni rejalashtirgan.
Ularning har biriga ayblov e’lon qilingan. Barcha ishtirokchilar qo‘yilgan ayblarga to‘liq iqror bo‘lgan va 15 yilga ozodlikdan mahrum qilingan. Abror Habibov va yana ikki qolgan a’zolar hukm chiqishini kutmoqda.
Prokurorlarga ko‘ra, Qosimov Habibovga Jo‘raboyev va Saidahmetovni Suriyaga yuborishda moliyaviy ko‘mak bergan.
Ma’lumotlarga ko‘ra, jinoyatchilar huquqni muhofaza qiluvchi organlar e’tiboriga 2014-yil avgustida IShID manfaatiga ishlaydigan saytda o‘zbek tilida qo‘ygan xabarlar sababli tushgan. Xabarda ular agar IShID tomonidan buyruq berilsa, sobiq prezident Barak Obamani o‘ldirish bilan tahdid qilgan. Ularning rejasida Koni Aylendga portlovchi moslama joylashtirish ham bo‘lgan.
Izoh (0)