Futbol bo‘yicha Yevro—2020 musobaqasi saralash bosqichi 6-turi doirasida 8-sentabr, yakshanba kuni guruhlarda 8 ta uchrashuv o‘z nihoyasiga yetdi.
“F” guruhidan o‘rin olgan bahsda Robert Moreno boshqaruvidagi Ispaniya terma jamoasi o‘z maydonida Farer orollari termasini sinovdan o‘tkazdi.
Uchrashuv davomida ispaniyalik hujumchi Rodrigo 13 hamda 50-daqiqalarda ikki bor raqib darvozasiga gol urgan bo‘lsa, 89 va 90-daqiqlarda esa “Borussiya Dortmund” a’zosi Pako Alkaser ham o‘z nomiga 2 ta gol yozdirib qo‘ydi.
Shu tariqa ispanlar o‘z uyida Farer orollari jamoasi ustidan yirik hisobda g‘alaba qozondi va navbatdagi 3 ochkoga ega bo‘ldi.
Mazkur g‘alabadan so‘ng Ispaniya ochkolari sonini 18 taga yetkazib oldi va guruhda yetkachilik qilmoqda. So‘nggi o‘rinda borayotgan Farer orollari vakillari esa birorta ham ochko yig‘a olmadi.
“F” guruhidagi holat:
Shu kuni “J” guruhida Roberto Manchini boshqaruvidagi Italiya termasi safarda Finlyandiyaga qarshi maydonga tushdi.
Bellashuvning 59-daqiqasida Italiya termasi hujumchisi Chiro Immobile hisobni ochgan bo‘lsa, 72-daqiqaga kelib hakam tomonidan italyanlar darvozasi tomon penalti belgilandi. Undan “Norvich” a’zosi Teyemu Pukki unumli foydalandi. Oradan yetti daqiqa o‘tib italiyalik yarim himoyachi Jorjinyo penaltidan gol urib, jamoasini hisobda oldinga olib chiqdi (2:1). O‘yin yakuniga qadar hisob o‘zgarmadi va Italiya mehmonda Finlyandiya ustidan g‘alabaga erishib, muhim 3 ochkoga ega bo‘ldi.
Qayd etish joiz, Italiya terma jamoasi 18 ochko jamg‘arib, guruhda peshqadamlik qilmoqda. Undan keyingi o‘rinda borayotgan Finlyandiya hisobida 12 ochko mavjud.
“J” guruhidagi holat:
Yevro—2020
Saralash bosqichi
6-tur bahslari
8-sentabr, yakshanba
“D” guruhi
Gruziya—Daniya 0:0
Shveysariya—Gibraltar 4:0
Gollar: 1:0 – 37 Zakariya, 2:0 – 43 Mehmedi, 3:0 – 45 Rodriges, 4:0 – 87 Gavranovich“F” guruhi
Ruminiya—Malta 1:0
Gol: 1:0 — 47 PushkashIspaniya—Farer orollari 4:0
Gollar: 1:0 — 13 Rodrigo, 2:0 — 50 Rodrigo, 3:0 — 89 Pako Alkaser, 4:0 — 90 Pako AlkaserShvetsiya—Norvegiya 1:1
Gollar: 0:1 — 45 Yuxansen, 1:1 — 60 Forsberg“J” guruhi
Armaniston—Bosniya va Gersegovina 4:2
Gollar: 1:0 — 3 Mxitaryan, 1:1 — 13 Jeko, 2:1 — 66 Mxitaryan, 2:2 — 70 Goyak, 3:2 — 77 Ambarsumyan, 4:2 — 90, avtogol LoncharFinlyandiya—Italiya 1:2
Gollar: 0:1 — 59 Immobile, 1:1 — 72, penalti Pukki, 1:2 — 79, penaltiJorjinyoGretsiya—Lixtenshteyn 1:1
Gollar: 1:0 – 33 Masuras, 1:1 – 85 SalanovichYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!