“Sevilya” — “Selta”
Tur juma oqshomida yetakchi “Sevilya” ishtirokidagi o‘yin bilan start oldi. Sevilyaliklar o‘z maydonida “Selta”ni qabul qildi. Uchrashuvning so‘nggi daqiqalari qiziqarli ruhda o‘tdi. Dastlab 81-daqiqada Franko Vaskes maydon egalarini oldinga olib chiqdi. Biroq oradan ko‘p vaqt o‘tmay ushbu transfer oynasida vigoliklar safiga qo‘shilgan Denis Suares muvozanatni tikladi.
Shu tariqa, o‘tgan ikki turda 100 foizlik natija qayd etgan Xulen Lopetegi shogirdlari uchinchi turga kelib ochko yo‘qotdi va musobaqa jadvalida uchinchi o‘ringa tushib qoldi.“Osasuna” — “Barselona”
Yana bir qiziqarli bahs Pamplonada bo‘lib o‘tdi. Jarohatlar sabab bir qator yetakchilaridan ayrilgan “Barselona” “Osasuna” maydonida mehmon bo‘ldi. Avvaliga mezbonlar 7-daqiqada Roberto Torresning golidan keyin oldinga o‘tib oldi. Bunga katalonlar ikkinchi bo‘lim debyutida javob qaytardi, 51-daqiqada 16 yoshli Ansumane Fati hisobni tenglashtirdi. Natijada Fati “Barselona” safida La Ligada gol urgan eng yosh futbolchiga aylandi.
64-daqiqada esa Artur Melo o‘zining aniq zarbasi bilan “Barselona”ning ikkinchi golini urdi. O‘yin oxirlab borayotgan bir vaqtda hakam mehmonlar darvozasi tomon penalti belgiladi. Uni Torres aniq amalga oshirgan holda jamoasiga g‘alabaga teng durangni taqdim etdi.
Ta’kidlash joiz, mazkur o‘yinda “ko‘k-anorranglilar” Lionel Messi, Luis Suares va Usmon Dembele kabi yetakchilar xizmatidan foydalana olmadi. Ernesto Valverde shogirdlari uch turdan keyin bittadan g‘alaba, durang va mag‘lubiyat qayd etgan holda turnir jadvalida 8-o‘rinda bormoqda.“Atletiko” — “Eybar”
“Atletiko” bu turda o‘z maydonida “Eybar” bilan kuch sinashdi. O‘yin kutilmagan ssenariy ostida boshlandi. Dastlab mehmonlar Sharles va Anayts Arbilyaning gollaridan keyin oldinga o‘tib oldi. Bunga “matraschilar” birinchi bo‘limda Joau Feliksning aniq zarbasi bilan javob qaytardi.
Ikkinchi bo‘lim boshida Vitolo muvozanatni tiklashga erishdi. Asosiy vaqtning so‘nggi daqiqasi o‘tib borayotgan bir vaqtda Tomas Parti “Eybar” jarima maydoni ichida ajoyib harakat qilib, madridliklarga uch ochko taqdim etgan golga muallif bo‘ldi.
Shu tariqa, Diyego Simeone shogirdlari La Liga ushbu mavsumida ochko yo‘qotmagan yagona jamoa bo‘lib qolmoqda va turnir jadvalida yakka peshqadamga aylandi.
“Vilyarreal” — “Real Madrid”
Turning so‘nggi o‘yinida “Real” safarda “Vilyarreal”ga qarshi bahs olib bordi. Uchrashuvni yaxshi boshlagan madridliklar 12-daqiqada Serxio Ramosning xatosidan keyin gol o‘tkazib yubordi. Shundan keyin tashkil etilgan bir qator hujumlar tanaffus arafasida samara berdi. Birinchi bo‘limga hakam tomonidan qo‘shib berilgan vaqtda Garet Beyl hisobni tenglashtirishga erishdi.
Ikkinchi bo‘limda ham maydon egalari kam sonli hujumlardan birini gol bilan yakunladi. 74-daqiqada Moyses Gomes yana mezbonlarni oldinga olib chiqdi. O‘yin yakunlanishi arafasida Beyl qoyilmaqom zarbasi bilan muvozanatni tikladi. Uchrashuv keskinlik va qo‘polliklarga boy bo‘ldi. Ikkinchi bo‘limga qo‘shib berilgan daqiqalarda Beyl ikki daqiqa ichida ikkita sariq kartochka olib maydondan chetlatildi.
Bu turdan keyin FIFA kunlarining boshlanishi ko‘pchilik klublar qatori Zinedin Zidan jamoasiga ham qo‘l keladigan ko‘rinadi. Ikki haftadan keyin boshlanadigan 4-tur uchrashuvlariga qadar bir qator jarohatdagi futbolchilar safga qaytishi kutilmoqda. Xabaringiz bor, so‘nggi bir oy ichida madridliklarning sakkizta futbolchisi jarohat sabab safdan chiqdi.
Tur raqamlari
Ushbu turda jamoalar jami 29 ta gol urishga erishdi va hech qaysi o‘yinda nursiz durang qayd etilmadi. Bir o‘yinda yirik hisob qayd etilgan bo‘lsa, to‘rtta uchrashuvda jamoalar murosa yo‘lini tanladi.Hozirgacha faqat “Atletiko” turnir jadvalida yo‘qotishsiz kelmoqda. Shuningdek, bitta jamoa (“Leganes”) hali ochko to‘play olgani yo‘q. Ortda qolgan uchta turda ham gollar hisobini ocha olmagan jamoa “Espanyol” bo‘lib turibdi.
La Liga
3-tur bahslari
30-avgust, juma
“Sevilya” — “Selta” 1:1
Gollar: 1:0 — 81 Vaskes, 1:1 — 84 Denis Suares.“Atletik” — “Real Sosyedad” 2:0
Gollar: 1:0 — 11 Uilyams, 2:0 — 28 Raul Garsiya.31-avgust, shanba
“Osasuna”—“Barselona” 2:2
Gollar: 1:0 — 7 Roberto Torres, 1:1 — 51 Fati, 1:2 — 64 Artur, 2:2 — 81, penalti, Roberto Torres“Xetafe”—“Alaves” 1:1
Gollar: 1:0 — 24 Molina, 1:1 — 31 Xoselu“Levante”—“Valyadolid” 2:0
Gollar: 1:0 — 83 Leon, 2:0 — 90 Morales“Betis”—“Leganes” 2:1
Gollar: 0:1 — 50 Breytueyt, 1:1 — 54 Moron, 2:1 — 61 Fekir1-sentabr, yakshanba
“Valensiya”—“Malyorka” 2:0
Gollar: 1:0 — 43, penalti Parexo, 2:0 — 57, penalti Parexo“Atletiko”—“Eybar” 3:2
Gollar: 0:1 — 7 Sharles, 0:2 — 19 Arbilya, 1:2 — 27 Joau Feliks, 2:2 — 52 Vitolo, 3:2 — 90 Tomas“Espanyol”—“Granada” 0:3
Gollar: 0:1 — 13 Puertas, 0:2 — 68 Fernandes, 0:3 — 74 Aziz“Vilyarreal”—“Real” 2:2
Gollar: 1:0 — 12 Jerar Moreno, 1:1 — 45 Beyl, 2:1 — 74 Moyses Gomes, 2:2 — 86 BeylMusobaqa jadvali
To‘purarlar ro‘yxati
- Lorenso Moron (“Betis”) — 3 ta gol
- Xerar Moreno (“Vilyarreal”) — 3 ta gol
- Karim Benzema (“Real”) — 2 ta gol
- Antuan Grizmann (“Barselona”) — 2 ta gol
- Serxio Gvardiola (“Valyadolid”) — 2 ta gol
- Roxer Marti (“Levante”) — 2 ta gol
- Vitolo (“Atletiko”) — 2 ta gol
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)