O‘zbekiston musulmonlari idorasining Toshkentdagi vakilligi faoliyatini yangi binoda davom ettiradi

Poytaxtdagi “Suzuk ota” majmuasida O‘zbekiston musulmonlari idorasining Toshkentdagi vakilligi faoliyat boshladi.

Ushbu majmua Prezident tashabbusi bilan bunyod etilib, ramazon oyida foydalanishga topshirilgan edi.

“Suzuk ota” majmuasi shahar markazida joylashgan bo‘lib, vakillik binosining ushbu yerda bo‘lishi maqsadga muvofiq. Vakillik o‘ziga munosib maskandan joy oldi.

Toshkent shahriga yangi tayinlangan bosh imom-xatib Nuriddin domla Xoliqnazarov ayni shu majmuada o‘z vazifasini bajarishga kirishdi.