AQShda sayyoraning eng badavlat kishilaridan biri Devid Kox vafot etdi

Amerikalik tadbirkor, milliarder va dunyodagi eng boy odamlardan biri Devid Kox 79 yoshida vafot etdi. Bu haqda New Yorker jurnalisti Jeyn Mayer ma’lumotiga tayanib “RIA Novosti” xabar berdi.

“Devid Koxning oilasi yaqinlari uning o‘lganini aytmoqda”, — deb yozdi u Twitter’da.

Kox 1940-yil 3-mayda tug‘ilgan. U texnologik ma’lumotga ega bo‘lib, aka - uakalari bilan birga otasining Kox Industries kompaniyasida ish boshladi. Otasining o‘limidan so‘ng, Devid akasi Charlz bilan birgalikda neftni qayta ishlash, o‘g‘itlar, polimer, tola va o‘rmonchilik sohalariga sarmoyalar olib, kompaniyaning chegaralarini sezilarli darajada kengaytirdi.

Tadbirkor siyosiy hayotda faol ishtirok etdi, turli tadbirlarni moliyalashtirdi. 1980-yilda Libertarian partiyasining vitse-prezidenti lavozimiga nomzod bo‘ldi.

2018-yil iyun oyida Forbes ma’lumotlariga ko‘ra uning boyligi 51 milliard dollarga baholangan va u dunyoning eng boy odamlari ro‘yxatida 11-o‘rinni egallagan. Bloomberg ma’lumotlariga ko‘ra, 2019-yil avgust oyida Charlz va Devid Koxning boyligi 124,5 milliard dollarni tashkil etdi.